సూర్యాపేట జిల్లా కోదాడలో విషాదం నెలకొంది. పట్టణానికి చెందిన చౌడవరపు పవన్ అనే యువకుడు సింగపూర్ లో మృతి చెందాడు. గత కొద్దిరోజులుగా సింగపూర్ లో పవన్.. తాత్కాలిక ప్రాతిపదికన ఉద్యోగం చేస్తున్నాడు. జూలై 5వ తేదీన సరదాగా గడిపేందుకు తన స్నేహితులతో కలిసి పవన్ స్థానిక బీచ్ కు వెళ్లాడు.
ఈ క్రమంలో అలల ఉధృతికి నీళ్లల్లో కొట్టుకుపోయి మరణించాడు. ఈ విషయాన్ని పవన్ స్నేహితులు.. అతని కుటుంబ సభ్యులకు తెలియజేశారు. దీంతో పవన్ కుటుంబం శోకసంద్రంలో మునిగిపోయింది. ఈ ఘటనకు సంబంధించిన పూర్తి వివరాలు తెలియాల్సి ఉంది.
