టీమిండియా మాజీ కెప్టెన్ విరాట్ కోహ్లీ, అనుష్క శర్మ దంపతులు కొత్త ఇంటిని నిర్మించనున్నారు. నగర జీవితానికి దూరంగా ప్రశాంతమైన వాతావరణంలో, సువిశాల విస్తీర్ణంలో దీన్ని కట్టనున్నారు. ఇప్పటికే నిర్మాణ పనులు మొదలైనట్లు తెలుస్తోంది. ఏకంగా 8 ఎకరాల్లో ఈ ఇంటి నిర్మాణం ఉండబోతోందట.
విరుష్క దంపతులు గతేడాది మహారాష్ట్రలోని అలీబాగ్ ప్రాంతంలో 7.45 ఎకరాల ల్యాండ్‌ను కొనుగోలు చేసిన విషయం తెలిసిందే. మొత్తం రూ.19.24 కోట్లు వెచ్చించి 2.54 ఎకరాలు, 4.91 ఎకరాల ఆస్తిని రెండు వేర్వేరు ఒప్పందాలలో కొనుగోలు చేశారు. ఆ స్థలంలోనే కొత్త ఇంటి నిర్మాణ పనులు మొదలైనట్లు తెలుస్తోంది. ఈ ఇల్లు పూర్తయ్యే సరికి ఇంకో రెండు సంవత్సరాలు పట్టొచ్చని సమాచారం.
నగర జీవితానికి దూరంగా
అలీబాగ్ అనేది మహారాష్ట్రలోని రాయగఢ్ జిల్లాలో ఉన్న ఒక తీరప్రాంత పట్టణం.ఇక్కడే కోహ్లీ కొత్తింటి నిర్మాణం జరుగుతోంది. సుమారు 20 వేల చదరపు అడుగుల విస్తీర్ణంలో ఈ ఇంటి నిర్మాణం చేపట్టారు. ప్రముఖ ఆర్కిటెక్ మజుందార్ బ్రావో ఈ ఇంటి నిర్మాణాన్ని డిజైన్ చేసినట్లు తెలుస్తోంది. ఇప్పటికే అన్ని అనుమతులను పూర్తి చేసుకుని ఇంటి నిర్మాణ పనులు శరవేగంగా జరుగుతున్నట్లు సమాచారం. కొత్తింటి పనులను విరుష్క దంపతులు పరిశీలించిన ఫోటోలు సోషల్ మీడియాలో వైరలవుతున్నాయి.
Virat Kohli and Anushka Sharma in Alibaug to begin construction of their new house on 8 acres of land. pic.twitter.com/5CVNtz5vcv
— Mufaddal Vohra (@mufaddal_vohra) August 14, 2023
