భారత స్టార్ బ్యాటర్ విరాట్ కోహ్లీకి ఉన్న పాపులారిటీ అంతా ఇంతా కాదు. ప్రపంచవ్యాప్తంగా కోట్లాది మంది అభిమానులకు కోహ్లీ ఆరాధ్యదైవం. ఇటీవల వెస్టిండీస్ వికెట్ కీపర్ జాషువా డా సిల్వా తల్లి అతనిపై చూపించిన అభిమానం అందుకు ప్రత్యక్ష ఉదాహరణ. తన కొడుకు కంటే కోహ్లీనే ఇష్టమన్న ఆ తల్లి.. విరాట్‌ని మనసారా హత్తుకున్న భావోద్వేగానికి లోనైంది. కన్నీళ్లు పెట్టుకుంది. కోహ్లీ కూడా ఆమెను అంతే ఆప్యాయంగా పలకరించారు.
వర్షం అంతరాయం కలిగిచడంతో వెస్టిండీస్‌తో జరిగిన రెండో టెస్టు డ్రాగా ముగిసిన సంగతి తెలిసిందే. ఈ మ్యాచ్ కోహ్లీకి చాలా ప్రత్యేకమైనది. తన కెరీర్‌లో 500వ అంతర్జాతీయ మ్యాచ్. అందునా విరాట్.. ఈ మ్యాచ్‌లో కెరీర్‌లో 76వ సెంచరీ సాధించి మరుపురాని జ్ఞాపకంగా మలుచుకున్నారు. తన గొప్ప మనసుతో కోహ్లీ ఆ జ్ఞాపకాలను మరింత పదిలం చేసుకున్నారు.
బ్యాట్‌ను బహుమతిగా
మ్యాచ్ ముగిసిన అనంతరం కోహ్లీ.. పోర్ట్ ఆఫ్ స్పెయిన్ మ్యూజియానికి ఆటోగ్రాఫ్ చేసిన బ్యాట్లను బహుమతిగా ఇచ్చారు. బ్యాట్‌పై కోహ్లీ సంతకం చేస్తున్న ఫోటోలు సోషల్ మీడియాలో వైరల్‌గా మారాయి.
Virat Kohli signed in the bat for Port of Spain stadium museum.
— Johns. (@CricCrazyJohns) July 24, 2023
Nice gesture from King. pic.twitter.com/XGSl7w7Uxk
కోహ్లీ మ్యూజియానికి బ్యాట్లు బహుమతిగా ఇవ్వడంపై నెటిజెన్స్ ప్రశంసలు కురిపిస్తున్నారు. కోహ్లీపై అభిమానం మరింత పెరిగిందని తమ మనసులోని మాటను బయటపెడుతున్నారు. వీరిలో విండీస్ అభిమానులు కూడా ఉండటం గమనార్హం.
