హైదరాబాద్, వెలుగు: కోయిల్సాగర్ ప్రాజెక్ట్ నిర్వహణను ఆటోమేట్చేయాలని ఇరిగేషన్శాఖ నిర్ణయించింది. అందులో భాగంగా అధునాతన సూపర్వైజరీ కంట్రోల్ అండ్ డేటా ఆక్విజిషన్ (స్కాడా) సిస్టమ్తో ప్రాజెక్ట్ను అనుసంధానించాలని నిర్ణయించింది. రూ.2 కోట్ల అంచనాలతో ప్రాజెక్టును లింక్ చేయనున్నారు. ఈ మేరకు శుక్రవారం జలసౌధలో ఓ అండ్ ఎం ఈఎన్సీ నాగేందర్రావు నేతృత్వంలో నిర్వహించిన కమిటీ సమావేశంలో ప్రతిపాదనలకు ఆమోదం తెలిపారు.
రాష్ట్ర వ్యాప్తంగా 29 ప్రాజెక్టుల్లో పలు కాలువలు, పంపింగ్‌ స్టేషన్లు, చెరువులకు సంబంధించి స్కాడాతో కోయిల్సాగర్ అనుసంధానం సహా రూ.5 కోట్ల అంచనాలతో రూపొందించిన ఓ అండ్ ఎం పనులపై కమిటీ చర్చించింది. ప్రస్తుతం కోయిల్సాగర్ ప్రాజెక్టుకు ఇన్‌‌‌‌ఫ్లో, ఔట్‌‌‌‌ఫ్లో, నీటినిల్వలు, పంపింగ్‌ స్టేషన్లు, విద్యుత్‌ సరఫరా, గేట్ల నిర్వహణ తదితర వివరాలను మాన్యువల్‌ పద్ధతిలో సేకరిస్తున్నారు. అనంతరం డేటా అప్‌‌‌‌లోడ్‌ చేస్తున్నారు. 2008 నుంచి అందుబాటులో ఉన్న ఈ వ్యవస్థ స్థానంలో రియల్‌ టైం డేటా సేకరణ కోసం అధునాత స్కాడా సాఫ్ట్‌‌‌‌వేర్‌‌‌‌తో అనుసంధానించాలని నిర్ణయించారు.
