యాదాద్రి, వెలుగు : సీఎం రేవంత్రెడ్డికి ఇచ్చిన మాటను కోమటిరెడ్డి బ్రదర్స్నిలబెట్టుకున్నారు. అన్నట్టుగానే చామల కిరణ్కుమార్రెడ్డిని గెలిపించి భువనగిరి ఎంపీ సీటును సీఎం రేవంత్కు గిఫ్ట్గా ఇచ్చారు. మంత్రి కోమటిరెడ్డి చెప్పిన విధంగానే 5 లక్షలకు పైగా మెజార్టీతో నల్గొండ ఎంపీగా రఘువీర్రెడ్డిని గెలిపించుకున్నారు. భువనగిరి ఎంపీ అభ్యర్థిగా చామల కిరణ్కుమార్రెడ్డిని ఎంపిక చేసిన తర్వాత మునుగోడు ఎమ్మెల్యే కోమటిరెడ్డి రాజగోపాల్రెడ్డి ఇంటికి సీఎం రేవంత్రెడ్డి స్వయంగా వెళ్లిన సంగతి తెలిసిందే.
అనంతరం భువనగిరి నియోజకవర్గ ఇన్చార్జిగా కోమటిరెడ్డి రాజగోపాల్రెడ్డికి బాధ్యతలు అప్పగించారు. అనంతరం ఏప్రిల్21న నియోజకవర్గం కేంద్రమైన భువనగిరిలో నిర్వహిచిన రోడ్షోకు సీఎం రేవంత్రెడ్డి వచ్చారు. ఆ సమయంలోనే మా తమ్ముడు చామలను గెలిపించుకుంటామని కోమటిరెడ్డి వెంకట్రెడ్డి, కోమటిరెడ్డి రాజగోపాల్రెడ్డి ప్రకటించారు. సీఎం రేవంత్రెడ్డికి తాము కుడి, ఎడమ భుజాలుగా ఉంటామని తెలిపారు. భువనగిరి ఎంపీ సీటును గెలిపించుకొని సీఎం రేవంత్కు గిఫ్ట్గా ఇస్తామని ప్రకటించారు. ఇచ్నిన హామీకి తగ్గట్టుగానే ఎమ్మెల్యే కోమటిరెడ్డి రాజగోపాల్ రెడ్డి అన్నీ తానై ఎన్నికల ప్రచారం నిర్వహించారు.
