రాష్ట్రంలో రానున్న ఎన్నికల్లో హంగ్ ఏర్పడుతుందని కాంగ్రెస్ ఎంపీ కోమటిరెడ్డి వెంకట్ రెడ్డి అన్నారు. ఒకవేళ హంగ్ ఏర్పడితే బీఆర్ఎస్ తమతో కలవాల్సిందేనని చెప్పారు. వచ్చే ఎన్నికల్లో ఏ పార్టీకి కూడా 60 సీట్లు రావని వెంకట్ రెడ్డి జోస్యం చెప్పారు. కేసీఆర్ కాంగ్రెస్ను పొగుడుతూ బీజేపీని తిడుతున్నారని.. బీఆర్ఎస్, కాంగ్రెస్లు సెక్యులర్ పార్టీలని అన్నారు. తాము ఒంటిరిగా అధికారంలోకి రామని.. సీనియర్ నేతలు అందరూ కలిస్తే 40నుంచి 50 సీట్లు వస్తాయని చెప్పారు. ఆయన గెలిపిస్తాడంటే తామంతా ఇంట్లో కూర్చుంటామని రేవంత్ ను ఉద్ధేశించి వెంకట్ రెడ్డి కామెంట్ చేశారు. మార్చి ఫస్ట్ వీక్లో యాదగిరి గుట్ట నుంచి తన పాదయాత్ర స్టార్ట్ చేస్తానని వివరించారు. రాష్ట్ర ఇంచార్జ్ గా మాణిక్ ఠాక్రే వచ్చాక పార్టీలో అంతా బాగుందని అన్నారు.
