పరిహారం చెల్లింపులో సిద్దిపేటకు ఓ రూల్.. పాలమూరుకు మరో రూలా?

అధికారంలోకి రాగానే ఉదండాపూర్ నిర్వాసితులను ఆదుకుంటం
సీఎం ఎవరైనా ఆరు గ్యారంటీలు అమలు చేసి తీరుతం
బీఆర్ఎస్ లీడర్పై దాడి ఓ కుట్ర
ఎంపీ కోమటిరెడ్డి వెంకట్రెడ్డి

జడ్చర్ల టౌన్, వెలుగు: కాంగ్రెస్ అధికారంలోకి రాగానే ఉదండాపూర్భూ నిర్వాసితులను ఆదుకుంటామని భువనగిరి ఎంపీ, కాంగ్రెస్ స్టార్ క్యాంపెయినర్ కోమటిరెడ్డి వెంకట్రెడ్డి హామీ ఇచ్చారు. సీఎం కేసీఆర్తన సొంత జిల్లాలో నిర్మించిన మల్లన్న సాగర్భూ నిర్వాసితులకు అధికారికంగా ఎకరాకు రూ.17లక్షలతో పాటు కాంట్రాక్టర్తో మాట్లాడి మరో లక్ష ఇప్పించారని, డబుల్బెడ్రూం ఇండ్లను కూడా ఇచ్చారని గుర్తు చేశారు. అలాంటి ప్యాకేజీని పాలమూరు లిఫ్ట్ఇరిగేషన్లో భాగంగా నిర్మిస్తున్న ఉదండాపూర్ నిర్వాసితులకు ఎందుకు ఇవ్వరని ప్రశ్నించారు. సిద్దిపేటకు ఒక రూల్..పాలమూరుకు మరో రూల్ఉంటుందా అని నిలదీశారు. మంగళవారం జడ్చర్లలో ఏర్పాటు చేసిన మీడియా సమావేశంలో ఆయన మాట్లాడుతూ సీఎం కేసీఆర్ఎన్నికల ప్రచారంలో భాగంగా జడ్చర్లకు వస్తే సమస్యలే లేవన్నట్లు ఎమ్మెల్యే లక్ష్మారెడ్డి రెండు పోలీస్స్టేషన్లు, బైపాస్రోడ్డును అడగడం విచిత్రమన్నారు. ఆయన అడిగిన కోరికలను విన్న ప్రజలు నవ్వుకున్నారన్నారు. మళ్లీ అధికారంలోకి వస్తే ఉదండాపూర్నిర్వాసితులను ఆదుకుంటామని చెప్పడం విడ్డూరమన్నారు. తొమ్మిదేండ్లు ఏమీ చేయకుండా, అధికారంలోకి వస్తే చేస్తామనడం విడ్డూరమన్నారు. ఫాంహౌస్లో పడుకొని బయటకు రాని సీఎం ఓడిపోతామనే భయంతో రోజుకు మూడు నియోజకవర్గాల్లో పర్యటిస్తున్నాడని ఎద్దేవా చేశారు. బీఆర్ఎస్ లీడర్పై అధికార పార్టీ కార్యకర్తనే దాడి చేస్తే కాంగ్రెస్ కార్యకర్త దాడికి పాల్పడినట్టు డ్రామా క్రియేట్చేస్తున్నారని ఆగ్రహం వ్యక్తం చేశారు. తాము అధికారంలోకి వచ్చిన వంద రోజుల్లో సీఎం ఎవరైనా ప్రకటించిన ఆరు స్కీంలను అమలు చేయడం జరుగుతుందన్నారు.

36 మంది పిల్లలు సచ్చిపోయిన్రు...

ఏపీలోబ్లాక్ లిస్ట్లో ఉన్న కంపెనీకి చెందిన కేటీఆర్బంధువుకు ఇంటర్ పేపర్లు దిద్దేందుకు రూ.355 కోట్ల కాంట్రాక్ట్ఇచ్చారని, 95 మార్కులు రావాల్సిన పిల్లలను ఫెయిల్ చేస్తే 36 మంది ఆత్మహత్యలు చేసుకున్నారన్నారు. ఐదు సార్లు టీఎస్పీఎస్సీ ఎగ్జామ్స్ నిర్వహించగా, ప్రభుత్వ వైఫల్యంతో వాయిదా పడ్డాయని, దీంతో ప్రవళిక ఆత్మహత్య చేసుకుందన్నారు. ఉమ్మడి పాలమూరు జిల్లాలో 14 స్థానాలు గెలుస్తామని ధీమా వ్యక్తం చేశారు. టీపీసీసీ ప్రధాన కార్యదర్శి, ఎమ్మెల్యే అభ్యర్థి అనిరుధ్రెడ్డి, రబ్బానీ, బుక్కా వెంకటేశం, నిత్యానందం, మినాజ్, ఖాజాపాషా పాల్గొన్నారు.