జడ్చర్ల, వెలుగు : మహబూబ్నగర్ జిల్లా జడ్చర్ల మున్సిపల్ చైర్ పర్సన్ గా బీఆర్ఎస్కు చెందిన కోనేటీ పుష్పలత సోమవారం ఏకగ్రీవంగా ఎన్నికయ్యారు. ఈ మున్సిపాల్టీ ఏర్పడి మూడున్నర ఏండ్లు మాత్రమే అయ్యింది. మొదటి పాలకవర్గంలోనే ఆధిపత్య పోరు, చైర్ పర్సన్.. ఇతర సభ్యుల మధ్య సఖ్యత లేకపోవడంతో సభ్యులందరూ ఇటీవల అవిశ్వాసం ప్రకటించారు. దీంతో అధికారులు సోమవారం ఎన్నిక నిర్వహించారు.
బీఆర్ఎస్కు 20 మంది కౌన్సిలర్లు, కాంగ్రెస్కు ఆరు, బీజేపీకి ఒకరి బలం ఉండగా.. ఏకగ్రీవంగా చైర్పర్సన్ను ఎన్నుకున్నారు. బీఆర్ఎస్ నుంచి 14వ వార్డుకు చెందిన కౌన్సిలర్ కోనేటి పుష్పలత పేరును 26 వ వార్డు కౌన్సిలర్ శశి కిరణ్ ప్రతిపాదించారు. చైర్ పర్సన్ పదవికి ఒకే ఒక్క నామినేషన్ రావడంతో ఎన్నిక ఏకగ్రీవమైందని రిటర్నింగ్ అధికారి, మహబూబ్నగర్ ఆర్డీవో నవీన్ తెలిపారు. ముందు నుంచి బీఆర్ఎస్కు చెందిన 22వ కౌన్సిలర్ కావలి శ్రీశైలమ్మను చైర్పర్సన్గా చేయాలని మాజీ ఎమ్మెల్యే సి.లక్ష్మారెడ్డి భావించారు. కొందరు కౌన్సిలర్లు దీన్ని వ్యతిరేకించారు. ఆమెకు మద్దతు ఇవ్వాల్సి వస్తే తాము పార్టీ మారుతామనే హెచ్చరిక చేసినట్లు చర్చ సాగింది. దీంతో 14వ వార్డుకు చెందిన కోనేటి పుష్పలతను ఏకగ్రీవమయ్యారు.
