మెట్ పల్లి, వెలుగు: తెలంగాణలో కాంగ్రెస్ అధికారంలోకి రాగానే నిజాం షుగర్ ఫ్యాక్టరీలను పునరుద్ధరిస్తామని కోరుట్ల కాంగ్రెస్ అభ్యర్థి జువ్వాడి నర్సింగరావు హామీ ఇచ్చారు. మంగళవారం మెట్ పల్లి మండలం జగ్గాసాగర్‌‌‌‌లో కార్యకర్తల విస్తృతస్థాయి సమావేశం నిర్వహించారు. ఈ సందర్భంగా ఆయన మాట్లాడుతూ కేసీఆర్ సర్కార్నిజాం షుగర్స్ను మూసేసి వేలాది మంది రైతులు, కార్మికుల ఉపాధిపై దెబ్బకొట్టిందని ఆగ్రహం వ్యక్తం చేశారు. 9 ఏండ్లుగా ఫ్యాక్టరీలు రీ ఓపెన్ చేయాలని ఉద్యమాలు, ఆందోళనలు చేసినా సీఎం కేసీఆర్స్పందించడం లేదన్నారు. అనంతరం వివిధ పార్టీల నుంచి సుమారు 437మందికి కాంగ్రెస్‌‌లో చేరారు. కార్యక్రమంలో లీడర్లు జువ్వాడి కృష్ణారావు, నీల, అంజయ్య, మహేందర్ రెడ్డి, అంజిరెడ్డి, జలపతి రెడ్డి, తిరుపతి రెడ్డి పాల్గొన్నారు.
బీఆర్ఎస్ కమీషన్ల ప్రభుత్వం
కోరుట్ల, వెలుగు: బీఆర్ఎస్సర్కార్ కమీషన్ల ప్రభుత్వమని, ప్రతి పథకంలో ఆ పార్టీ లీడర్లు కమీషన్లు తీసుకుంటున్నారని కోరుట్ల అభ్యర్థి జువ్వాడి నర్సింగరావు ఆరోపించారు. కోరుట్ల లో మంగళవారం రాత్రి కాంగ్రెస్ కార్యకర్తల సమావేశం నిర్వహించారు. ఈ సందర్భంగా ఆయన మాట్లాడుతూ కాంగ్రెస్ అధికారంలోకి రాగానే 6 గ్యారంటీలను అమలు చేస్తామన్నారు.
