భద్రాద్రికొత్తగూడెం, వెలుగు : కొత్తగూడెం ఎమ్మెల్యే కూనంనేని సాంబశివరావుకు రహదారి కష్టాలు తప్పలేదు. లక్ష్మేదేవిపల్లి మండలంలోని మారుమూల ప్రాంతమైన గండ్ర బంధం గ్రామానికి చెందిన మాజీ సర్పంచ్ తాటి రాధమ్మ భర్త, సీపీఐ సీనియర్ కార్యకర్త తాటి వెంకటేశ్వర్లు ఇటీవల మృతి చెందాడు.
ఆదివారం నిర్వహించిన తాటి వెంకటేశ్వర్లు సంస్మరణ సభకు ఎమ్మెల్యేతో పాటు సీపీఐ జిల్లా కార్యదర్శి ఎస్కే సాబీర్ పాషా, పలువురు నేతలు అటెండ్ అయ్యేందుకు వెహికల్లో వెళ్లారు. సరైన రహదారి లేక కొంత దూరం ట్రాక్టర్లో వెళ్లాల్సి వచ్చింది.
దారిలో ఇసుకలో ట్రాక్టర్ కదలలేదు. ఈ క్రమంలో గ్రామస్తులు, పార్టీ కార్యకర్తలు ట్రాక్టర్ను నెట్టాల్సి వచ్చింది. చివరకు ట్రాక్టర్ దిగి ఎమ్మెల్యే నడిచి ప్రోగ్రామ్కు అటెండ్ అయ్యారు. ఈ సందర్భంగా ఎమ్మెల్యే మాట్లాడుతూ గండ్ర బంధం ఉన్న విషయాన్నే ఆఫీసర్లు, గత పాలకులు
మర్చిపోయారన్నారు.
