- మంత్రి పువ్వాడ అజయ్ కుమార్
- రూ. 135కోట్ల డెవలప్మెంట్ వర్క్స్కు శంకుస్థాపన
- అధికార వేదికపై ఫ్లెక్సీలో కానరాని ఎమ్మెల్సీ, జడ్పీ చైర్మన్ ఫోటోలు
- కుర్చీలు వేసిన పోలీసులు
భద్రాద్రి కొత్తగూడెం, వెలుగు : జిల్లాలోని కొత్తగూడెం, పాల్వంచ మున్సిపాలిటీలు జంట పట్టణాలుగా డెవలప్ అవుతున్నాయని ట్రాన్స్పోర్టు మినిస్టర్ పువ్వాడ అజయ్కుమార్ అన్నారు. కొత్తగూడెం, పాల్వంచ పట్టణాల్లో దాదాపు రూ. 135 కోట్లతో చేపట్టనున్న డెవలప్మెంట్ వర్క్స్కు కొత్తగూడెం ఎమ్మెల్యే వనమా వెంకటేశ్వరరావుతో కలిసి గురువారం శంకుస్థాపన చేశారు. ఈ సందర్భంగా కొత్తగూడెం పట్టణంలోని రామవరంలో ఏర్పాటు చేసిన ప్రోగ్రాంలో ఆయన మాట్లాడారు.
ముర్రెడు వాగుకు ఇరువైపులా కరకట్టల నిర్మాణాలకు సీఎం రూ. 40 కోట్లు మంజూరు చేశారన్నారు. అభివృద్ధి జరగాలంటే వనమానే మళ్లీ ఎమ్మెల్యేగా ఎన్నుకోవాలన్నారు. కలెక్టర్ డాక్టర్ ప్రియాంక అల, మున్సిపల్ చైర్ పర్సన్ కె. సీతాలక్ష్మి, జడ్పీ వైస్ చైర్మన్ కంచర్ల చంద్రశేఖర్, జిల్లా గ్రంథాయల సంస్థ చైర్మన్ దిండిగాల రాజేందర్, మున్సిపల్ వైస్ చైర్మన్దామోదర్, పలువురు కౌన్సిలర్లు, అధికారులు, బీఆర్ఎస్ నేతలు పాల్గొన్నారు.
ప్రోటోకాల్ రగడ
ఈ వేదిక పై ఏర్పాటు చేసిన ఫ్లెక్సీలో ఎమ్మెల్సీ అలుగుబెల్లి నర్సిరెడ్డితో పాటు జడ్పీ చైర్మన్ కోరం కనకయ్య ఫోటోలు ఏర్పాటు చేయకపోవడం తో విమర్శలు వెల్లువెత్తుతున్నాయి. జడ్పీ వైస్ చైర్మన్, డీసీఎంఎస్ల ఫోటోలు ఏర్పాటు చేసిన అధికారులు ఎమ్మెల్సీ, జడ్పీ చైర్మన్ ఫోటోలు ఏర్పాటు చేయకపోవడం చర్చనీయాంశంగా మారింది.
ప్రోటోకాల్ పాటించని మున్సిపల్ కమిషనర్పై కలెక్టర్ చర్యలు తీసుకోవాలని, లేని పక్షంలో శాసన మండలి చైర్మన్కు కంప్లైంట్ చేస్తానని ఎమ్మెల్సీ నర్సిరెడ్డి పేర్కొన్నారు. ఈ సభలో పోలీసులే కుర్చీలు వేయడం గమనార్హం.
