భద్రాద్రికొత్తగూడెం, వెలుగు: పులి చర్మాలను స్మగ్లింగ్చేస్తున్న ముఠాను కొత్తగూడెం ఫారెస్ట్ ఆఫీసర్లు పట్టుకున్నారు. కొత్తగూడెం ఎఫ్ డీఓ అప్పయ్య తెలిపిన వివరాల ప్రకారం.. ఛత్తీస్ గఢ్ రాష్ట్రంలోని చింతల్ నార్అటవీ ప్రాంతంలో కొందరు ఉచ్చు వేసి ఆరు నెలల కింద మగ చిరుతపులిని బరిశెలతో చంపారు. భద్రాచలం, కొత్తగూడెం ప్రాంతాలకు చెందిన కొందరి సాయంతో పులి చర్మాన్ని బెంగళూరులో అమ్మాలని ప్లాన్చేశారు. ప్లాన్ప్రకారం రెండు నెలల కింద భద్రాచలం సమీపంలోని సారపాకకు తరలించి భద్రపరిచారు. శుక్రవారం సారపాక నుంచి బైక్లపై కొందరు పులిచర్మంతో హైదరాబాద్వెళ్లేందుకు కొత్తగూడెం వైపు వస్తున్నారని ఫారెస్ట్ఆఫీసర్లకు పక్కా సమాచారం అందింది. ఇల్లెందు క్రాస్ రోడ్డులో నిఘా పెట్టి పట్టుకున్నారు. వారి నుంచి చిరుతపులి చర్మాన్ని స్వాధీనం చేసుకున్నారు. మొత్తం 9 మందిని అరెస్ట్చేసినట్లు ఎఫ్డీఓ అపయ్య తెలిపారు. నిందితుల్లో భద్రాచలానికి చెందిన గవర్రాజు వేణు, ఏపీలోని చింతూరు, ఒంగోలుకు చెందిన కందుకూరి ఫణీంద్ర, సుద్దపల్లి శ్రీనివాస్, మడావి కోసయ్య, కె.ఎర్రయ్య, ఛత్తీస్ ఘడ్ కు చెందిన మడకం మహేశ్, మడకం జితేందర్, పూనెం సింఘా ఉన్నారు.
