- డీసీసీ అధికార ప్రతినిధి కొట్టం మనోహర్
కోటగిరి, వెలుగు: కస్తూర్బా స్కూళ్లల్లో నిర్వహణ అధ్వాన్నంగా ఉందని జిల్లా డీసీసీ అధికార ప్రతినిధి కొట్టం మనోహర్ ఆగ్రహం వ్యక్తం చేశారు. శుక్రవారం ఆయన మండల కేంద్రంలోని కస్తూర్బా స్కూల్ను సందర్శించారు. మనోహర్ మాట్లాడుతూ..స్కూల్లో కనీస వసతులు లేక పేదపిల్లలు ఇబ్బందులు పడుతున్నా, పట్టించుకున్న నాథుడే కరువయ్యాడని ఆవేదన వ్యక్తం చేశారు.
స్కూల్లో టీచర్లు కూర్చునేందుకు కుర్చీలు లేకపోతే తను 10 కుర్చీలు ఇచ్చినట్లు చెప్పారు. ఆడపిల్లల బాత్రూమ్లకు కనీసం డోర్లు కూడా లేకపోవడం బాధించిందన్నారు. కేంద్ర, రాష్ట్ర ప్రభుత్వాలకు ఏ మాత్రం చిత్త శుద్ధి ఉన్నా, మౌలిక వసతులు కల్పించాలని డిమాండ్చేశారు. ఆయన వెంట పార్టీ జిల్లా ఉపాధ్యక్షుడు గంగాధర్ దేశాయ్ తదితరులు ఉన్నారు.
