అమ్రాబాద్, వెలుగు: వచ్చే ఎన్నికల్లో ఓటమి భయంతోనే ఎమ్మెల్యే గువ్వల బాలరాజు విమర్శలకు దిగారని కాంగ్రెస్ నేత, అడ్వకేట్ కొయ్యల శ్రీనివాసులు పేర్కొన్నారు. శుక్రవారం పార్టీ ఆఫీస్లో ఆయన మాట్లాడుతూ నల్లమల ప్రజల కోసం శ్రమిస్తున్న డీసీసీ అధ్యక్షుడు వంశీకృష్ణను విమర్శించే నైతిక హక్కు లేదన్నారు. అచ్చంపేట నియోజకవర్గంలో ఏండ్లలో గువ్వల చేసిన అభివృద్ది ఏమిటో చూపించాలని డిమాండ్ చేశారు.
ఉమ్మడి అమ్రాబాద్ ప్రజలను మాయమాటలతో మభ్యపెడుతున్నాడని విమర్శించారు. గత ఎన్నికల్లో సాగు నీళ్లు తెచ్చాకే ఓట్లు అడుగుతానని చెప్పిన విషయాన్ని గుర్తు చేశారు. గుప్త నిధుల వేటలో ఎవరున్నారనే విషయం నల్లమల ప్రజలకు తెలుసని, వచ్చే ఎన్నికల్లో ప్రజలు బుద్ది చెబుతారన్నారు. హరినారాయణ గౌడ్, రాజగోపాల్, కొయ్యల సైదులు పాల్గొన్నారు.
