ఫార్ములా ఈ -రేస్‎కు బరాబర్పైసలిచ్చినం.. అరెస్ట్ చేస్తరా.. చేస్కోండి: కేటీఆర్

అప్పుడు నేనే గవర్నమెంట్.. నేనే పైసలిమ్మన్న.. సంతకం కూడా పెట్టిన
హెచ్ఎండీఏ స్వతంత్ర సంస్థ.. నిధులిచ్చేందుకు కేబినెట్ అనుమతి అక్కర్లే
నన్ను అరెస్ట్ చేస్తే మహా అయితే రెండు నెలలు జైల్లో పెడ్తరేమో
జైల్లోనే యోగా చేసి ట్రిమ్అయిత.. బయటకొచ్చి పాదయాత్ర చేస్త
బీఆర్ఎస్ను ఖతం చేయాలని రాజ్భవన్లో బీజేపీ, కాంగ్రెస్ ప్రయత్నాలు
కేసు పెడితే గిడితే మేఘా కృష్ణారెడ్డిపై పెట్టాలని డిమాండ్

హైదరాబాద్, వెలుగు: ఫార్ములా ఈ–రేస్‎కు బరాబర్పైసలిచ్చామని, తానే సంతకం పెట్టానని బీఆర్ఎస్వర్కింగ్ ప్రెసిడెంట్ కేటీఆర్అన్నారు. హైదరాబాద్బ్రాండ్ఇమేజ్‎ను పెంచేందుకు నాడు ప్రభుత్వ కార్యక్రమంగా రూ.55 కోట్లు ఖర్చు చేశామని తెలిపారు. ‘‘పైసలు రిలీజ్ చేయాలని అప్పటి మున్సిపల్శాఖ కార్యదర్శి అర్వింద్కుమార్‎కు నేనే చెప్పిన. ఆర్డర్స్పై సంతకం కూడా పెట్టిన. ఫార్ములా ఈ– రేస్‎కు డబ్బులు రిలీజ్ చేసిన విషయంలో పూర్తి బాధ్యత నాదే. అర్వింద్తప్పు లేదు. అప్పుడు నేనే గవర్నమెంట్. ప్రభుత్వంగా నిర్ణయం తీసుకున్న” అని ఆయన పేర్కొన్నారు.

తనను అరెస్ట్ చేస్తే చేసుకోవచ్చని, మహా అయితే రెండు మూడు నెలలు జైల్లో పెట్టి రాక్షసానందం పొందుతారేమోనని వ్యాఖ్యానించారు. ‘‘నన్ను ఏం చేసుకుంటారో చేసుకోవచ్చు. దేనికైనా రెడీ. జైల్లో ఉండి యోగా చేసుకుని మంచిగా ట్రిమ్అయి వచ్చి పాదయాత్ర చేస్త” అని తెలిపారు. కాంగ్రెస్, బీజేపీ ఒక్కటై బీఆర్ఎస్ను ఖతం చేయాలని రాజ్భవన్‎లో ప్రయత్నాలు చేస్తున్నాయని ఆయన ఆరోపించారు. గురువారం తెలంగాణ భవన్‎లో మీడియాతో కేటీఆర్ మాట్లాడారు. ఫార్ములా ఈ–రేస్‎కు డబ్బులు రిలీజ్ చేసిన విషయం హెచ్ఎండీఏకి తెలియదనడం అర్థరహితమని, హెచ్‎ఎండీఏకు అన్ని విషయాలు తెలుసని, అందుకు సంబంధించి ఉత్తర్వులు కూడా ఉన్నాయని చెప్పారు.

‘‘డబ్బులు ఇవ్వడానికి కేబినెట్అనుమతి ఉందా.. అని అడుగుతున్నరు. కానీ, హెచ్ఎండీఏ స్వతంత్ర సంస్థ. దానికి సీఎం చైర్మన్‎గా, మున్సిపల్ శాఖ మంత్రి వైస్చైర్మన్‎గా ఉంటరు. నాడు వైస్చైర్మన్‎గా నేను సీఎంతో చర్చించి ఫార్ములా ఈ– రేస్కు నిధులివ్వాలని నిర్ణయం తీసుకున్న. హైదరాబాద్బ్రాండ్ ఇమేజ్ దెబ్బతినకుండా ఉండేందుకే డబ్బులు ఇచ్చినం. ఫార్ములా ఈ– రేస్తో 49 దేశాల్లో హైదరాబాద్పేరు తెలిసేలా చేసినం. ఎన్నో పెట్టుబడులను ఆకర్షించేందుకు కృషి చేసినం” అని ఆయన పేర్కొన్నారు.

ఒలింపిక్స్ ఎంత ఖర్చు అవుతుందో తెలుసా?

‘‘హైదరాబాద్ బ్రాండ్ ఇమేజ్‎ను దెబ్బతీసినందుకు సీఎం రేవంత్పైనే కేసు పెట్టాలి. ఏసీబీ ఫుల్ఫాం ఏంటో రేవంత్‎కు తెలుసా? అవినీతి జరిగిన సందర్బాల్లోనే ఏసీబీని వాడాలి. కానీ, ఇక్కడ అవినీతి ఏముంది..? నాకు ఏం వచ్చింది? నేనేమైనా దాస్కున్ననా? ప్రభుత్వపరంగానే ఖర్చు పెట్టినం తప్ప మాకేం రాలేదు. సిటీలో ఫార్ములా ఈ –రేస్ను రద్దు చేసిన రేవంత్ రెడ్డి.. హైదరాబాద్లో ఒలింపిక్స్ నిర్వహిస్తామని అంటున్నడు. ఒలింపిక్స్నిర్వహణకు ఎంత ఖర్చవుతుందో ఆయనకు తెలుసా? దాదాపు రూ.2.9 లక్షల కోట్లు కావాలి. అంటే మన రాష్ట్ర బడ్జెట్అంత.

ఒలింపిక్స్కు రేవంత్రెడ్డి అంత ఖర్చు పెట్టగలడా?’’ అని ఆయన ప్రశ్నించారు. దేశానికి ఫార్ములా 1 రేస్ను తీసుకురావాలన్న కల ఈనాటిది కాదని అన్నారు. ‘‘రేవంత్ రెడ్డి గురువు చంద్రబాబు కూడా 2003లో హైదరాబాద్లో ఎఫ్1 రేస్ నిర్వహించే ప్రయత్నం చేసిండు. రేవంత్ గురువు చేయని పనిని మేం చేసినం” అని కేటీఆర్పేర్కొన్నారు. ప్రస్తుతం ఈవీల ట్రెండ్ పెరుగుతుండడంతో భవిష్యత్ తరాలకు వాటిపై మరింత అవగాహన కల్పించేందుకే ఫార్ములా ఈ –రేసింగ్ను నిర్వహించాలనుకున్నామని చెప్పారు. దీనిని కేవలం ఒక రేస్లాగానే కాకుండా ఎలక్ట్రిక్ కార్లను ప్రమోట్చేసే ఈవెంట్లాగా కూడా ప్రయత్నించామన్నారు.

గతంలో చంద్రబాబు హయాంలో ఏర్పాటు చేసిన జీనోమ్ వ్యాలీ ఇప్పుడు వ్యాక్సిన్తయారీకి హైదరాబాద్ను రాజధానిగా చేసిందని తెలిపారు. అదే విధంగా ఈ–రేస్తో హైదరాబాద్ను ఈవీలకు కేంద్రంగా మార్చాలనుకున్నామన్నారు. ఫార్ములా ఈ –రేస్తో తాము చేసిన ఖర్చు కేవలం రూ.40 కోట్లేనని, కానీ, హైదరాబాద్కు వచ్చిన ప్రయోజనం మాత్రం రూ.700 కోట్లు అని నీల్సన్ అనే సంస్థ కూడా చెప్పిందని ఆయన పేర్కొన్నారు. ఫార్ములా ఈ– రేస్తో పాటు మొబిలిటీ వీక్ను నిర్వహించామని, వాటితో పలు సంస్థలు భారీ పెట్టుబడులు పెట్టాయని తెలిపారు.

ఈ– రేస్ ద్వారా ఎలక్ట్రిక్ వెహికల్స్మాన్యుఫ్యాక్చరింగ్, ఎలక్ట్రిక్ వెహికల్స్యూనివర్సిటీని ఏర్పాటు చేసి ఆ టెక్నాలజీని ఇక్కడే డెవలప్ చేయాలన్న లక్ష్యం పెట్టుకున్నామని చెప్పారు. ఫార్ములా ఈ– రేస్, మొబిలిటీ వీక్కు సంబంధించి నాలుగేండ్లపాటు నిర్వహించేలా త్రైపాక్షిక ఒప్పందం చేసుకున్నామని, ప్రభుత్వానికి లాభం వచ్చినప్పటికీ గ్రీన్ కో అనే సంస్థ మాత్రం తమకు లాభంరాలేదని పక్కకు తప్పుకుందని ఆయన తెలిపారు. దీంతో ఈ –రేస్వెళ్లిపోకుండా ఉండేందుకు డబ్బులు ఇవ్వాలని నిర్ణయం తీసుకున్నామని కేటీఆర్ చెప్పారు.

హైదరాబాద్ను ప్రపంచ పటంలో పెట్టినందుకు మాపై కేసు పెడ్తరా?

సీఎం రేవంత్రెడ్డి తమపై కక్షసాధింపులకు పాల్పడుతున్నారని కేటీఆర్ఆరోపించారు. ‘‘మాపై కేసు ఎందుకు పెడ్తవ్? హైదరాబాద్ను ప్రపంచపటంలో పెట్టినందుకా? లక్షల కోట్ల పెట్టుబడులు తీసుకొచ్చినందుకా? బెంగళూరుకన్నా ఐటీ ఎగుమతులను పెంచినందుకా? ఇక్కడి యువతకు ఉద్యోగాలిచ్చినందుకా? ఎందుకు పెడతావు మాపై కేసు?’’ అని సీఎం రేవంత్ను ప్రశ్నించారు. ‘‘కేసు పెడితే ఎవరి మీద పెట్టాలి? సుంకిశాల గోడ కూలిన ఘటనలో మేఘా కృష్ణా రెడ్డిపై కేసు పెట్టాలి. ఇప్పటికే డిపార్ట్మెంట్కూడా రిపోర్ట్ ఇచ్చింది. ఆ రిపోర్ట్ ఆధారంగా కేసు పెట్టాలి.

నా ఇంటికి ఏసీబీని పంపడం కాదు.. రేవంత్రెడ్డికి దమ్ముంటే మేఘా కృష్ణా రెడ్డి ఇంటికి ఏసీబీని పంపాలి. కేసు పెడితే కొడంగల్ లిఫ్ట్స్కీమ్ గొట్టాల స్కామ్‎లో పెట్టాలి. రాఘవ, మేఘా కంపెనీలకు కేకు ముక్కల్లెక్క ఇచ్చిన పనులకు సంబంధించి కేసు పెట్టాలి” అని వ్యాఖ్యానించారు. తాము బ్రాండ్ ఇమేజ్ను క్రియేట్ చేస్తే.. బ్యాడ్ ఇమేజ్ తెస్తున్నారని ఆయన దుయ్యబట్టారు. ‘‘విశ్వనగరం ఇమేజ్ లేకుండా చేస్తే పెట్టుబడులు వస్తాయా?” అని ప్రశ్నించారు. ‘‘కూలగొట్టుడు, విధ్వంసం చేయడమే కాంగ్రెస్ వాళ్లకు తెలిసిన పని. వాళ్లకు నిర్మించడం తెలియదు.

అందుకే సీఎం అయిన వెంటనే ఆ ప్రాజెక్ట్ రద్దు.. ఈ ప్రాజెక్ట్ రద్దు అంటూ రేవంత్ ప్రకటనలు చేస్తున్నడు. నా మీద కోపంతో.. నాకేదో వచ్చిందనుకుని ఏమీ తెలియకుండానే ఫార్ములా ఈ –రేస్ను రద్దు చేసిండు. దీంతో ప్రపంచవ్యాప్తంగా హైదరాబాద్బ్రాండ్ఇమేజ్ను దెబ్బ తీసిండు. రేవంత్ రెడ్డి తీసుకున్న దిక్కుమాలిన నిర్ణయంతో ప్రపంచం ముందు హైదరాబాద్ఇజ్జత్ పోయింది. మనకు రూ.700 కోట్ల నష్టం మిగిలింది’’ అని కేటీఆర్ వ్యాఖ్యానించారు.