తెలంగాణ రాజకీయాల్లో ఆసక్తికర పరిణామం చోటుచేసుకుంది. రాజకీయ ప్రత్యర్థులు బీఆర్ఎస్ వర్కింగ్ ప్రెసిడెంట్ కేటీఆర్, టీజేఎస్ అధ్యక్షుడు, ఎమ్మెల్సీ కోదండరాం ఒకే వేదికపై కనిపించారు.
సీపీఎం జాతీయ ప్రధాన కార్యదర్శి సీతారాం ఏచూరి సంస్మరణ సభ శనివారం ( సెప్టెంబర్ 21) రవీంద్రభారతిలో సీపీఎం రాష్ట్ర కమిటీ ఆధ్వర్యంలో జరిగింది. ఈ సభలో కేటీఆర్, ఎమ్మెల్సీ కోదండరాం పక్కపక్కనే కూర్చున్నారు. కేటీఆర్,కోదండరాం కాసేపు పలకరించుకున్నారు. చాలా రోజులు తర్వాతన వీళ్లు ఒకే వేదికపై కనిపించడం చర్చనీయాంశంగా మారింది.
సీఎం రేవంత్ రెడ్డి, కేటీఆర్, కోదండరాం ఈ వేదికను పంచుకోవాల్సింది. కానీ సీఎం రేవంత్ రెడ్డి మరో 5 నిముషాల్లో వస్తారని తెలియగానే కేటీఆర్ మాట్లాడి వెళ్లిపోయారు.
