హైదరాబాద్, వెలుగు: తాము అధికారంలోకి వచ్చిన తొలిరోజే సెక్రటేరియెట్ పరిసరాల్లోని చెత్తను తొలగిస్తామని బీఆర్ఎస్ వర్కింగ్ ప్రెసిడెంట్ కేటీఆర్ అన్నారు. తన మాటలు గుర్తుపెట్టుకోవాలని సీఎం రేవంత్‌‌‌‌రెడ్డిని ఆయన హెచ్చరించారు. ఈమేరకు మంగళవారం కేటీఆర్ ఓ ప్రకటన విడుదల చేశారు. ‘‘అధికారంలోకి వచ్చిన తొలిరోజే సచివాలయం పరిసరాల్లోని చెత్త(రాజీవ్గాంధీ విగ్రహాన్ని ఉద్దేశించి)ను తొలగిస్తాం.
నీ లాంటి ఢిల్లీ గులాం (సీఎం రేవంత్‌‌‌‌ను ఉద్దేశించి) తెలంగాణ ఆత్మగౌరవాన్ని అర్థం చేసుకోలేరు. చిన్న పిల్లల ముందు చెత్త మాటలు మాట్లాడిన రేవంత్ నైజం, వ్యక్తిత్వం, ఆయన పెంపకాన్ని సూచిస్తుంది. రేవంత్ ఈ మానసిక రుగ్మత నుంచి త్వరగా కోలుకోవాలని ఆశిస్తున్నాను” అని- కేటీఆర్ విమర్శించారు. కాగా, రైతులందరికీ రుణమాఫీ చేయాలని డిమాండ్ చేస్తూ ఈ నెల 22న రాష్ట్రవ్యాప్తంగా ధర్నాలకు బీఆర్ఎస్ వర్కింగ్ ప్రెసిడెంట్ కేటీఆర్ పిలుపునిచ్చారు. మేఘాపై ఎందుకంత ఔదార్యం? మేఘా ఇంజినీరింగ్ కంపెనీపై సీఎం రేవంత్ రెడ్డి ఎందుకంత ఔదార్యం చూపిస్తున్నారని బీఆర్ఎస్ వర్కింగ్ ప్రెసిడెంట్ కేటీఆర్ ప్రశ్నించారు.
