- బీజేపీ ఏపీ చీఫ్ సోము వీర్రాజు కామెంట్లు
- కేటీఆర్ విమర్శలు
హైదరాబాద్, వెలుగు: చీప్ లిక్కర్ ధరను రూ.50కి తగ్గిస్తామంటూ బీజేపీ ఏపీ చీఫ్ సోము వీర్రాజు చేసిన వ్యాఖ్యలపై మంత్రి కేటీఆర్ విమర్శలు గుప్పించారు. బుధవారం ఆ కామెంట్ల వీడియోను ట్యాగ్ చేస్తూ ఆయన ట్వీట్ చేశారు. ‘‘రూ.50కే చీప్ లిక్కర్ ఇస్తరా? వాట్ ఏ స్కీమ్, వాట్ ఏ షేమ్. బీజేపీ ఏపీ నేతలు మరీ ఇంతగా దిగజారిపోతరా? ఇదేనా బీజేపీ జాతీయ విధానం? అధికారంలో లేని రాష్ట్రాలకే ఈ బంపర్ ఆఫర్ ఇస్తున్నరా?’’ అంటూ కేటీఆర్ ప్రశ్నించారు. ఏపీలో నాణ్యమైన మద్యం అమ్మడం లేదని, కల్తీ మద్యాన్ని ఎక్కువ ధరకు అమ్ముతున్నారని విజయవాడలో నిర్వహించిన సభలో సోము వీర్రాజు కామెంట్ చేశారు. బీజేపీని గెలిపిస్తే చీప్ లిక్కర్ ధరను రూ.75కి తగ్గిస్తామని, అవసరమైతే రూ.50కే అందిస్తామని ఆయన అన్నారు.
