హైదరాబాద్: అధికారం కోల్పోయిన తర్వాత కేటీఆర్ మెంటల్‌గా డిస్ట్రబ్ అయ్యారని గోషామహల్ ఎమ్మల్యే రాజా సింగ్ అన్నారు. పనీ పాట లేక అడ్డగోలు ట్వీట్లు చేస్తున్నారని మండిపడ్డారు. అందరూ హిందీ నేర్చుకోవాలని అమిత్ షా ట్వీట్ చేస్తే.. దానికి కౌంటర్ గా అర్థం లేకుండా కౌంటర్ ఇచ్చారని పేర్కొన్నారు. అసలు కేటీఆర్ కు హిందీ భాష ప్రాముఖ్యం తెలుసా..? అని రాజా సింగ్ ప్రశ్నించారు. హిందీ వస్తేనే కదా దేశంలోని ఎక్కడికైనా వెళ్లి మాట్లాడేది అన్నారు. ఇతర రాష్ట్రాలకు వెళితే ఏం మాట్లాడుతారని ప్రశ్నించారు. అధికారంలో ఉన్నప్పుడు ప్రధాని మోదీ, అమిత్ షాను కలిశారని, అప్పుడు ఏ భాష మాట్లాడారో గుర్తుకు తెచ్చుకోవాలని సూచించారు.
