బీఆర్ఎస్ అధినేత కేసీఆర్కు ఎప్పుడు.. ఏ సమయంలో బయటకు రావాల్నో తెలుసన్నారు కేటీఆర్. తెలంగాణ కోసం ఆయన 24 ఏండ్లు కష్టపడ్డారు. ప్రస్తుతం కాస్త విశ్రాంతి తీసుకుంటున్నారు. మీడియాతో చిట్చాట్లో చెప్పారు కేటీఆర్.
స్పీకర్ ఫోన్ చేసి రమ్మన్నా రాలె
అసెంబ్లీ ఎన్నికల్లో ఓటమి తర్వాత ఎర్ర వల్లి ఫాంహౌస్కే పరిమితమైన బీఆర్ఎస్అధినేత, మాజీ సీఎం కేసీఆర్ కీలక సందర్భాల్లోనూ బయటకు రావడం లేదు. మాజీ ప్రధాని మన్మోహన్ సింగ్ సంతాప తీర్మానం కోసం సోమవారం నిర్వహించిన అసెంబ్లీ సమావేశాలకు సైతం ఆయన హాజరుకాలేదు. ప్రధాని హోదాలో తెలంగాణ రాష్ట్ర ఏర్పాటుకు సహకరించిన మన్మోహన్సింగ్ కడసారి చూపుకోసం కేసీఆర్ ఢిల్లీ వెళ్తారని అందరూ భావించినా.. ఆయన మాత్రం ఫాంహౌస్లోనే ఉండిపోయారు. పార్టీ తరఫున వర్కింగ్ ప్రెసిడెంట్ కేటీఆర్ను పంపించి, చేతులు దులుపుకొన్నారు. సోమవారం మన్మోహన్ సింగ్ సంతాప తీర్మానం కోసమే నిర్వహించిన అసెంబ్లీ ప్రత్యేక సమావేశానికి కేసీఆర్ రాకపోవడం చర్చకు దారితీసింది. సంతాప తీర్మానం సందర్భంగా హరీశ్రావు మాట్లాడుతూ, పదే పదే కేసీఆర్ పేరు ప్రస్తావించగా.. స్పీకర్ గడ్డం ప్రసాద్ కుమార్ అభ్యంతరం వ్యక్తం చేశారు. ప్రతిపక్ష నేత కేసీఆర్కు తాను స్వయంగా ఫోన్ చేసి సమావేశానికి ఆహ్వానించినా.. ఆయన హాజరుకాలేదని అసెంబ్లీ వేదికగా ప్రకటించారు.
