- హెచ్ఎండీఏ పరిధిలో జీపీ లేఅవుట్ల రిజిస్ట్రేషన్లు బంద్ మూర్ఖపు చర్య
- పేద, మధ్య తరగతి ప్రజలను సర్కార్ టార్గెట్ చేసిందని కామెంట్
హైదరాబాద్, వెలుగు: రాష్ట్రంలో మళ్లీ ఎమర్జెన్సీ రోజులొచ్చాయని బీఆర్ఎస్ వర్కింగ్ ప్రెసిడెంట్ కేటీఆర్ అన్నారు. ఇందిరమ్మ రాజ్యంలో ప్రశ్నిస్తే కేసులు పెడుతున్నారని, హక్కుల కోసం పోరాడితే బెదిరిస్తూ సస్పెన్షన్లు చేస్తున్నారని శనివారం ఆయన ట్వీట్చేశారు. కాంగ్రెస్ ప్రభుత్వం నిర్బంధాన్ని నిర్మిస్తున్నదని పేర్కొన్నారు. ప్రజాస్వామిక తెలంగాణ కోసం పోరాడుతామని చెప్పారు.
హెచ్ఎండీఏ పరిధిలోని గ్రామపంచాయతీ (జీపీ) లే అవుట్లలో ఉన్న వెంచర్లకు రిజిస్ట్రేషన్లను బంద్ పెట్టడం మూర్ఖపు చర్య అని కేటీఆర్ అన్నారు. పరిపాలనా అనుభవ లేమితో రేవంత్ రెడ్డి తీసుకుంటున్న నిర్ణయాల వల్ల పేద, మధ్య తరగతి ప్రజలు ఇబ్బంది పడుతున్నారన్నారు. మొన్నటిదాకా హైడ్రా, మూసీ పేరుతో పేదల గూడును కూల్చేసిన రేవంత్ సర్కారు.. ఇప్పుడు హెచ్ఎండీఏ పరిధిలోని పేదలను ప్రజలను టార్గెట్చేసిందన్నారు. వారి ప్లాట్లపైనా ఆర్ఆర్ ట్యాక్స్ను వసూలు చేసేందుకు సిద్ధమవుతున్నదని ఆరోపించారు. ఎన్నికల ముందు ఎల్ఆర్ఎస్ ఉచితంగా చేస్తామని కాంగ్రెస్ పార్టీ హామీ ఇచ్చిందని గుర్తు చేశారు. ఎన్నో ఏండ్లుగా ఆ ప్లాట్లు ఎంతో మంది చేతులు మారాయని, ఇప్పుడు ప్రభుత్వం వచ్చి ఆ రిజిస్ట్రేషన్లు చెల్లవు.. మళ్లీ రిజిస్ట్రేషన్ చేసుకోవాలంటే వారి పరిస్థితి ఏమిటని ప్రశ్నించారు.
