- ప్రారంభోత్సవాలు, శంకుస్థాపనలతో రౌండ్ చుట్టేసిన బీఆర్ఎస్ లీడర్లు
- సీఎం పోటీ చేస్తున్న కామారెడ్డిలో స్పెషల్ఫోకస్
- వివిధ పథకాల కింద అనర్హులకు లబ్ధి చేకూర్చారంటూ స్థానికంగా ఆందోళనలు
- అర్హులైన వారికే దళిత బంధు లాంటి పథకాలు వర్తింపజేయాలంటూ డిమాండ్
కామారెడ్డి, వెలుగు : అభ్యర్థుల ప్రకటన తర్వాత బీఆర్ఎస్ దూకుడు పెంచింది. అభివృద్ధి పనులకు శంకుస్థాపనలు, ప్రారంభోత్సవాల పేరుతో ఆ పార్టీ లీడర్లు తమతమ నియోజకవర్గాల్లో ఓ రౌండ్ చుట్టేశారు. ఈ క్రమంలో ఆయా నియోజకవర్గాల్లో లీడర్లకు నిరసన సెగలు తాకాయి. అర్హులకే వివిధ పథకాల కింద లబ్ధి చేకూర్చాలంటూ స్థానికంగా ఆందోళనలు వ్యక్తమయ్యాయి. ముఖ్యంగా దళితబంధు కోసం అనేక చోట్ల దళితులు రోడ్కెక్కడం ఆ పార్టీ వర్గాలను ఆందోళనకు గురి చేస్తోంది. ఆగస్టు 21న బీఆర్ఎస్ అధినేత అభ్యర్థులను డిక్లేర్ చేయగా, జిల్లాలో నాలుగు నియోజకవర్గాలకు మూడు చోట్ల పాత వారికే టికెట్లు దక్కాయి. కామారెడ్డిలో మాత్రం సిట్టింగ్ఎమ్మెల్యేకు బదులు తాను పోటీ చేయనున్నట్లు సీఎం ప్రకటించారు.
ఎన్నికల కోడ్ అమల్లోకి రాకముందే నియోజకవర్గాల్లో చేపట్టాల్సిన పనులపై లీడర్లు దృష్టి పెట్టారు. కామారెడ్డి, బాన్సువాడ, జుక్కల్, ఎల్లారెడ్డి నియోజకవర్గాల్లో స్థానిక ఎమ్మెల్యేలు క్షేత్ర స్థాయిలో విస్తృతంగా పర్యటించారు. స్పీకర్ పోచారం శ్రీనివాస్రెడ్డి, విప్గంప గోవర్ధన్, ఎమ్మెల్యేలు హన్మంత్షిండే, జాజుల సురేందర్ అభివృద్ధి పనులకు శంకుస్థాపనలు, ప్రారంభోత్సవాలు చేశారు. వారం రోజుల వ్యవధిలోనే మంత్రి కేటీఆర్ కామారెడ్డి, బాన్సువాడ నియోజకవర్గాల్లో పర్యటించారు. జుక్కల్ నియోజకవర్గంలోని బిచ్కుందలో మంత్రి హరీశ్రావుతో 100 పడకల హాస్పిటల్కు శంకుస్థాసన చేసి, అనంతరం నిర్వహించిన సభలో పాల్గొన్నారు. కొత్తగా ఏర్పాటు చేసిన మహ్మద్ నగర్ మండలాన్ని ఎమ్మెల్సీ కవిత ప్రారభించారు.
స్కీమ్ల కోసం ఆందోళనలు..
ప్రభుత్వ పథకాల అమలు తీరు, లబ్ధిదారుల ఎంపికపై ప్రజలు లీడర్లను నిలదీస్తున్నారు. కామారెడ్డి, ఎల్లారెడ్డి, జుక్కల్ నియోజకవర్గాల్లో దళితబంధు, స్థానిక సమస్యలపై ఆందోళనలు జరిగాయి. కామారెడ్డి నియోజకవర్గంలో దళితబంధు కోసం దళితులు రోడ్కెక్కారు. ప్రతీఒకరికి స్కీమ్ వర్తింపజేయాలని డిమాండ్ చేస్తున్నారు. బీబీపేట, దోమకొండ, భిక్కరూరు మండలాల్లో నిరసనలు కొనసాగాయి.
ఆయా గ్రామాల నుంచి కలెక్టరేట్కు వచ్చి ఆందోళనలు చేస్తున్నారు. ఎల్లారెడ్డి నియోజక వర్గం, తాడ్వాయి మండలంలోని కరడ్పల్లిలో దళిత బంధు కోసం స్థానికులు నిరసనకు దిగారు. జుక్కల్ నియోజకవర్గం పిట్లం మండలంలోనూ ఆందోళనలు కొనసాగాయి.
కామారెడ్డిపై స్పెషల్ఫోకస్..
కామారెడ్డి నుంచి కేసీఆర్ పోటీ చేస్తున్న నేపథ్యంలో ముఖ్య నేతలు ఈ నియోజకవర్గంపై ప్రత్యేక దృష్టి పెట్టారు. ఈ నెల 7న నియోజకవర్గ కేంద్రంలో గులాబీ శ్రేణులతో భారీ సభ నిర్వహించారు. ఎన్నికల్లో అనుసరించాల్సిన వ్యూహాలపై శ్రేణులకు దిశానిర్దేశం చేశారు. ఎన్నికల నేపథ్యంలో శ్రేణులను కో ఆర్టినేట్చేయడానికి ముగ్గురు ఇన్చార్జులుగా వ్యవహారించనున్నారు. మంత్రులు కేటీఆర్, వేముల ప్రశాంత్రెడ్డి, ఎమ్మెల్యే గంప గోవర్ధన్ ఇన్చార్జులుగా ఉంటారు.
స్థానికంగా గంప గోవర్ధన్ఇన్చార్జిగా ఉన్నప్పటికీ అప్పుడప్పుడు మంత్రులు కూడా శ్రేణులతో మాట్లాడనున్నారు. నియోజకవర్గంలో 266 పోలింగ్సెంటర్లకు ఒక్కో సెంటర్కు పార్టీ సీనియర్ నేతను బ్రిగేడియర్గా నియమించాలని, ప్రతీ వంద మంది ఓటర్లకు ఒక ఇన్చార్జ్గా నియమించాలని ఎమ్మెల్యే గంప గోవర్ధన్కు, పార్టీ జిల్లా ప్రెసిడెంట్ ముజీబోద్దీన్కు కేటీఆర్ సూచించారు
