- ఈసీ రూల్స్కు విరుద్ధంగా చేస్తున్నారనే ఆరోపణలు
- నలుగురు ప్రొఫెసర్లపై ఇన్చార్జ్ వీసీకి ఫిర్యాదులు
హనుమకొండ, వెలుగు: కేయూలో నలుగురు ప్రొఫెసర్లకు ఓల్డ్పెన్షన్బెనిఫిట్స్కట్టబెట్టేందుకు కొందరు వర్సిటీ ఉన్నతాధికారులు తెరవెనక చక్రం తిప్పుతున్నారనే ఆరోపణలు వినిపిస్తున్నాయి. 2021 నవంబర్9న బీఆర్ఎస్ ప్రభుత్వ హయాంలో కేయూలోని నలుగురు ప్రొఫెసర్ల సర్వీస్ను 2003 నుంచి కొత్త సర్వీస్తో కలుపుకోవాలని, ప్రమోషన్బెనిఫిట్స్తో పాటు ఇతర బెనిఫిట్స్ను జీవో నెం.208 /1999 ప్రకారం పొందేలా చర్యలు తీసుకోవాల్సిందిగా ఆదేశిస్తూ రిజిస్ట్రార్ కు ఉత్తర్వులు వచ్చాయి.
కాగా, ఆ జీవో ప్రకారం పాత సర్వీస్ ను పరిగణలోకి తీసుకోవాల్సి వస్తే కేవలం ప్రమోషన్ బెనిఫిట్స్మాత్రమే పొందే చాన్స్ ఉంది. కానీ ఆ నలుగురు ప్రొఫెసర్ల విషయంలో మాత్రం ఓల్డ్ పెన్షన్ బెనిఫిట్స్ వర్తింప చేసే ఆర్డర్స్కు ఈసీ ఆమోదం పొందాల్సి ఉంటుంది. కాగా, 2021 నవంబర్లో జరిగిన 136వ ఈసీ మీటింగ్లో దీనిపై చర్చకు వచ్చినప్పుడు అప్పటి పాలకమండలి ఆ నలుగురు ప్రొఫెసర్లు కేవలం పదోన్నతి బెనిఫిట్స్కు మాత్రమే అర్హులని, మరే ఇతర పాత పెన్షన్బెనిఫిట్స్కు అర్హులు కారని తీర్మానించింది.
అంతేకాకుండా జీవోను మార్చుకుని రావాల్సిందిగా ఈసీ మెంబర్స్ తీర్మానించారు. దీంతో 2022 మార్చి 22న అప్పటి రిజిస్ట్రార్ ప్రొఫెసర్వెంకటరాంరెడ్డి ప్రభుత్వ దృష్టికి తీసుకెళ్లి, జీవో మార్పు కోసం ఉన్నత విద్యాశాఖ కార్యదర్శికి లేఖ కూడా రాశారు. కానీ అది ప్రభుత్వం వద్ద ఇంకా పెండింగ్ లోనే ఉంది. అయితే.. దానిని పక్కన పెట్టి అక్రమ మార్గంలో బై సర్కులేషన్ లో ఆ నలుగురు ప్రొఫెసర్లకు పాత పెన్షన్ విధానం అమలయ్యేలా ప్రయత్నాలు జరుగుతున్నట్లు విశ్వసనీయంగా తెలిసింది. దీంతోనే ఇటీవల తెలంగాణ హ్యూమన్ రైట్స్ ప్రొటెక్షన్ఫోరం నేతలు గత ప్రభుత్వ హయాంలో కేయూ ప్రొఫెసర్ల కోసం ఇచ్చిన ఓపీఎస్ శాంక్షన్డ్ జీవోలను రద్దు చేయాల్సిందిగా ఇన్చార్జ్ వీసీకి ఫిర్యాదు చేయగా, వర్సిటీలో చర్చనీయాంశమైంది.
