- గన్, 2 కత్తులు, 2 బైకులు,11 సెల్ ఫోన్లు స్వాధీనం
హైదరాబాద్సిటీ, వెలుగు : దారి దోపిడీలకు పాల్పడుతున్న ముగ్గురిని కుల్సంపురా పోలీసులు అరెస్ట్చేశారు. సౌత్ వెస్ట్ జోన్ డీసీపీ చంద్రమోహన్ తెలిపిన వివరాల ప్రకారం.. గుడిమల్కాపూర్ కు చెందిన ఆర్.కృష్ణ(33) రోజువారి కూలీ. ఎప్పటిలాగే ఈ నెల 24న పనికి వెళ్లిన కృష్ణ సాయంత్రం 4.30 గంటలకు ఇంటికి తిరిగి వస్తుండగా పురానాపూల్100 ఫీట్ రోడ్డులో పాతబస్తీకి చెందిన సయ్యద్ అబుల్ హసన్(32), సయ్యద్ తలేబ్ అలీ(23), సైఫ్ అలీ మీర్జా(19) కృష్ణను ఆపారు.
కత్తి, గన్చూపించి బెదిరించారు. మొబైల్, బైక్ ను లాక్కొని ముగ్గురు అక్కడి నుంచి పారిపోయారు. బాధితుడి ఫిర్యాదు మేరకు కుల్సంపురా పోలీసులు కేసు నమోదు చేశారు. శనివారం ముగ్గురిని అరెస్ట్చేసి రిమాండుకు తరలించారు.
వారి నుంచి రెండు బైకులు, ఒక గన్, 2 కత్తులు, నకల్ పంచ్, 11 సెల్ ఫోన్లు స్వాధీనం చేసుకున్నారు. సయ్యద్ అబుల్ హసన్, సయ్యద తలేబ్ అలీపై హైదరాబాద్, సైబరాబాద్ కమిషనరేట్ల పరిధిలో పలు కేసులు ఉన్నట్లు డీసీపీ వెల్లడించారు.
