జైపూర్(భీమారం), వెలుగు: భీమారం మండల కేంద్రంలో పోతనపల్లి గ్రామానికి చెందిన ఉస్కమల్ల చిన్న పోచం స్మారక క్రికెట్ పోటీలు సోమవారం ముగిశాయి. ఆయన కుమారులు శ్రీనివాస్, పున్నం చందు, సాంబ శివ నిర్వహించిన పోటీల్లో 35 టీమ్లు 15 రోజుల పాటు రసవత్తరంగా పోటీపడ్డాయి. సోమవారం జరిగిన ఫైనల్లో కుమార్ లెవెన్, ఆర్ఎన్ఆర్ జట్లు పోటీపడగా కుమార్ లెవెన్ జట్టు విజయం సాధించింది. విన్నర్ కు రూ.15 వేలు, రన్నరప్ కు రూ.10 వేల చెక్కులను కాంగ్రెస్ సీనియర్ లీడర్ కేవీ.ప్రతాప్ అందజేశారు. ఈ కార్యక్రమంలో కాంగ్రెస్ లీడర్లు పొడేటి రవి, భూక్య లక్ష్మణ్, గుండు తిరుపతి, మాజీ జడ్పీటీసీ రాజ్ కుమార్ నాయక్, మాజీ సర్పంచ్ రాంరెడ్డి, ఎడ్ల శ్రీనివాస్, సత్తి రెడ్డి, క్రీడాకారులు పాల్గొన్నారు.
