హాలియా, వెలుగు : ఓట్ల కోసం కేసీఆర్ చెప్పే మాటలు నమ్మితే మరోసారి మోసపోక తప్పదని కాంగ్రెస్ రాష్ట్ర నాయకుడు కుందూరు జయవీర్ రెడ్డి అన్నారు. గిరిజన చైతన్య యాత్ర లో భాగంగా జయవీర్ రెడ్డి శుక్రవారం నల్గొండ జిల్లా త్రిపురారం మండలంలోని డొంకతండా, కాన్యాతండా, ఇస్లావత్తండా, ఆరాతండా, రుప్లాతండా, సీత్యా, లోక్య సుర్య మంగలతండా, రెడ్యతండా, రాజేందర్నగర్ తండాల్లో పాదయాత్రను నిర్వహించారు. ఈ సందర్భంగా ఆయన మాట్లాడుతూ కేసీఆర్ ప్రభుత్వం గత ఎన్నికల్లో ఇచ్చిన ఒక్క హామీని కూడా అమలు చేయలేదని చెప్పారు.
కాంగ్రెస్ పార్టీకి రోజురోజుకు ఆదరణ పెరుగుతోందన్నారు. వచ్చే ఎన్నికల్లో అధికారంలోకి రావడం ఖాయమని ధీమా వ్యక్తం చేశారు. కార్యక్రమంలో డీసీసీ అధ్యక్షుడు కేతావత్ శంకర్నాయక్, పీసీసీ డెలిగేట్ కర్నాటి లింగారెడ్డి, కొండేటి మల్లయ్య, బ్లాక్ కాంగ్రెస్ అధ్యక్షుడు ధనసింగ్నాయక్, తుమ్మలపల్లి చంద్రశేఖర్ రెడ్డి, ఎంపీపీ అనుముల పాండ్రమ్మ శ్రీనివాస్రెడ్డి, చవ్వా బుచ్చి రెడ్డి, సోషల్ మీడియా ఇన్చార్జ్ జేజే సేదయ్య బాబు, తదితరులు పాల్గొన్నారు.
