హాలియా, వెలుగు: త్వరలోనే కాంగ్రెస్ పార్టీ అధికారంలోకి రాబోతుందని, రాష్ట్రంలో కేసీఆర్ ఆటలు ఇక సాగవని కాంగ్రెస్ రాష్ట్ర నాయకుడు కుందూరు జయవీర్ రెడ్డి అన్నారు. గిరిజన చైతన్య యాత్రలో భాగంగా జయవీర్ రెడ్డి శనివారం నల్గొండ జిల్లా త్రిపురారం మండలంలోని రేడ్య తండా, రాజేంద్రనగర్, బుడ్డితండా, అల్వాలపాడు, సత్యపాడు, నడిమితండా, లక్పతి, వస్రామ్, గుడి, దుబ్బ, చౌలితండాల్లో పాదయాత్ర నిర్వహించారు. ఈ సందర్భంగా ఆయా తండాల్లో జరిగిన సమావేశాల్లో ఆయన మాట్లాడారు. ఓట్ల కోసం కేసీఆర్ చెప్పే అబద్దాలను జనం నమ్మే పరిస్థితుల్లో లేరన్నారు. కేసీఆర్పాలనకు చరమగీతం పాడే రోజులు దగ్గరపడ్డాయన్నారు.
అటవీ హక్కుల చట్టం కింద నల్గొండ జిల్లాలో తొమ్మిది లక్షల మంది గిరిజన రైతులకు పట్టాలు ఇచ్చిన ఘనత కాంగ్రెస్ పార్టీకే దక్కిందన్నారు. మోసపూరిత హామీలతో గిరిజనుల ఓట్లను కొల్లగొట్టిన బీఆర్ఎస్ వారికి పోడు భూములకు పట్టాలు ఇవ్వకుండా కాలయాపన చేస్తోందని ఆయన ఆరోపించారు. కార్యక్రమంలో డీసీసీ అధ్యక్షుడు కేతావత్శంకర్నాయక్, పీసీసీ డెలిగేట్ కర్నాటి లింగారెడ్డి, ఎంపీపీ అనుముల పాండ్రమ్మ శ్రీనివాస్రెడ్డి బ్లాక్ కాంగ్రెస్ అధ్యక్షులు ధనావత్ భాస్కర్ నాయక్, తుమ్మలపల్లి చంద్రశేఖర్ రెడ్డి, చవ్వా బుచ్చి రెడ్డి, సోషల్ మీడియా ఇన్చార్జ్ జేజే సేదయ్య బాబు తదితరులు పాల్గొన్నారు.
