కర్నూలు జిల్లా ఓర్వకల్లు సమీపంలో రోడ్డు ప్రమాదం జరిగింది. ఈ ప్రమాదంలో ఇద్దరు చనిపోగా… మరో ముగ్గురికి తీవ్ర గాయాలయ్యాయి. ఈ తెల్లవారుజామున(గురువారం) తిరుపతి నుంచి వస్తున్న కారును ఓర్వకల్లు దగ్గరకు రాగానే ఎదురుగా వస్తున్న లారీ ఢీకొనడంతో ప్రమాదం జరిగింది. మృతులు కర్నూలు డాక్టర్ కాలనీకి చెందిన సాయిబాబా శర్మ, సతీష్ కుమార్గా గుర్తించారు. గాయపడిన వారిని ఆస్పత్రికి తరలించారు.
