మేడిపల్లి,వెలుగు: మేడ్చల్ ఎమ్మెల్యే మల్లారెడ్డి దోచుకోవడం.. దాచుకోవడం తప్ప ప్రజలకు ఆయన చేసిందేమీ లేదని పీర్జాదిగూడ డిప్యూటీ మేయర్ కుర్ర శివకుమార్ గౌడ్ ఆరోపించారు. ముఖ్యమంత్రి, పీసీసీ చీఫ్ రేవంత్ రెడ్డి సమక్షంలో ఆదివారం క్యాంపు ఆఫీసులో 15 మంది కార్పొరేటర్లు, కో ఆప్షన్ సభ్యులు, పీర్జాదిగూడ బీఆర్ఎస్ అధ్యక్షులతో కలిసి కాంగ్రెస్ లో చేరారు. అనంతరం శివ కుమార్ తన ఆఫీసులో మీడియాతో మాట్లాడారు. మేయర్ అవినీతిపై ఎన్నిసార్లు ప్రశ్నించినా మల్లారెడ్డి ఏనాడూ మద్దతు తెలుపకపోగా, ఆయనను వెంట పెట్టుకొని తరచూ వివాదాలు సృష్టిస్తూ ఉండేవాడని ఆరోపించారు.
