భద్రాద్రికొత్తగూడెం, వెలుగు : బీజేపీ జిల్లా అధ్యక్షుడిగా కేవీ రంగాకిరణ్ నియమితులయ్యారు. ఈ మేరకు బీజేపీ రాష్ట్ర ప్రధాన కార్యదర్శి గుజ్జుల ప్రేమేందర్రెడ్డి మంగళవారం నియామక ఉత్తర్వులను జారీ చేశారు.
జిల్లా అధ్యక్షుడిగా ఉన్న కోనేరు సత్యనారాయణ ఇటీవల పార్టీకి రాజీనామా చేసి బీఆర్ఎస్లో చేరిన విషయం తెలిసిందే. పార్టీ సీనియర్ నేత, ఆర్కె ట్రస్ట్ అధినేత రంగా కిరణ్ను జిల్లా అధ్యక్షుడిగా నియమించడం పట్ల తమిళనాడు స్టేట్ ఇన్చార్జి, జాతీయ నేత పొంగులేటి సుధాకర్రెడ్డి హర్షం వ్యక్తం చేశారు. ఓబీసీ మోర్చా జిల్లా అధ్యక్షుడు నాగేశ్వర్రావు గౌడ్, తదితరులు అభినందనలు తెలిపారు
