కోల్బెల్ట్, వెలుగు: క్యాతనపల్లి మున్సిపాలిటీలో బీఆర్ఎస్పార్టీకి గట్టి షాక్తగిలింది. ఆ పార్టీకి చెందిన మున్సిపల్ చైర్పర్సన్, వైస్ చైర్మన్తో పాటు మరో ఐదుగురు కౌన్సిలర్లు ఎమ్మెల్యే డాక్టర్ జి.వివేక్వెంకటస్వామి సమక్షంలో కాంగ్రెస్లో చేరారు. సోమవారం రాత్రి ఎమ్మెల్యే నివాసంలో ఏర్పాటు చేసిన కార్యక్రమంలో చైర్పర్సన్ జంగం కళ, వైస్ చైర్మన్ఎర్రం సాగర్రెడ్డి, కౌన్సిలర్లు కొక్కుల స్రవంతి, సత్యనారాయణ, పనాస రాజయ్య, మేకల తిరుమల, సుధాకర్తో పాటు ఎర్రబెల్లి ప్రేమలత కాంగ్రెస్ లో చేరగా వారికి వివేక్ వెంకటస్వామి కండువాలు కప్పి పార్టీలోకి ఆహ్వానించారు.
బీఆర్ఎస్ను వీడి గతంలోనే కౌన్సిలర్ బింగి శివాని హస్తం గూటికి చేరగా, మరో మహిళా కౌన్సిలర్ సైతం చేరనున్నట్లు తెలుస్తోంది. చైర్పర్సన్, వైస్ చైర్మన్పై అదే పార్టీకి చెందిన కొందరు కౌన్సిలర్లు అవిశ్వాస తీర్మానానికి పట్టుబట్టడంతో వీరంతా కాంగ్రెస్లో చేరారు. మున్సిపాలిటీలో మొత్తం 22 మంది కౌన్సిలర్లు ఉండగా వీరిలో 9 మంది కాంగ్రెస్పార్టీ తీర్థం పుచ్చుకోవడంతో అవిశ్వాస తీర్మానం వీగిపోయే ఛాన్స్ ఉంది. కౌన్సిలర్ల వెంట పలువురు కాంగ్రెస్ లీడర్లు ఉన్నారు.
