ముషీరాబాద్,వెలుగు: దేశ వ్యాప్తంగా లంబాడీలు మాట్లాడే గోరు బోలి భాషను రాజ్యాంగంలోని 8వ షెడ్యూల్లో చేర్చాలని ట్రైకార్ చైర్మన్ తేజావత్ బెల్లయ్య నాయక్ డిమాండ్ చేశారు. లంబాడి హక్కుల పోరాట సమితి వర్కింగ్ ప్రెసిడెంట్ రమావత్ సక్రు నాయక్ అధ్యక్షతన రాష్ట్ర స్థాయి సమావేశం ఆదివారం సుందరయ్య విజ్ఞాన కేంద్రంలో జరిగింది.
ఏఐసీసీ ఆదివాసి కాంగ్రెస్ జాతీ య వైస్ చైర్మన్, రాష్ట్ర ట్రైకార్ చైర్మన్ తేజావత్ బెల్లయ్య నాయక్ హాజరై మాట్లాడారు. కేంద్రం లంబాడీలకు ఇచ్చిన హామీలను అమలు చేయాలని డిమాండ్ చేశారు. పోరాట సమితి రాష్ట్ర అధ్యక్షులు రాంబాల్ నాయక్ , రమేష్ నాయక్, చందర్, అశోక్, లక్ష్మణ్ పాల్గొన్నారు.
