- భూసేకరణ, ఫండ్స్ రిలీజే ప్రధాన సమస్య
- పురోగతిపై ఉన్నతాధికారులకు నివేదిక
- పనుల స్థితిగతులపై త్వరలో రివ్యూ
కామారెడ్డి, వెలుగు : కామారెడ్డి, ఎల్లారెడ్డి నియోజకవర్గాలకు సాగునీరందించే కాళేశ్వరం 22 ప్యాకేజీ (ప్రాణహిత– చేవేళ్ల) పనులకు భూ సేకరణతో పాటు, ఫండ్స్రిలీజ్ చేయాల్సిన అవసరముంది. 22 ప్యాకేజీ పనుల పురోగతిపై ఇటీవల జిల్లా ఇరిగేషన్ఆఫీసర్లు ఉన్నతాధికారులకు నివేదించారు. త్వరలోనే రివ్యూ మీటింగ్జరగనుంది. 2004లో అప్పటి కాంగ్రెస్ ప్రభుత్వం ప్రాణహిత- చేవెళ్ల ప్రాజెక్ట్లో భాగంగా 22 ప్యాకేజీ పనులను ప్రతిపాదించింది. కామారెడ్డి, ఎల్లారెడ్డి నియోజకవర్గాలతో పాటు మెదక్జిల్లాలోని రామాయంపేట మండలాన్ని కలుపుకొని లక్షా 90 వేల ఎకరాలకు సాగునీళ్లు అందించేందుకు రూ.1,446 కోట్లు ఖర్చవుతాయని అంచనా వేశారు.
ఉమ్మడి నిజామాబాద్ జిల్లాకు సంబంధించిన ప్యాకేజీ 20,21,22లకు అప్పటి సీఎం వైఎస్ఆర్2008లో కామారెడ్డిలోశంకుస్థాపన చేశారు. 2004–09 మధ్య మంత్రిగా ఉన్న షబ్బీర్అలీ కామారెడ్డి జిల్లాకు సాగునీళ్లు తీసుకొచ్చే లక్ష్యంతో ఈ పనులకు ప్రయార్టీ ఇవ్వడంతో అప్పట్లోనే పనులు షురూ అయ్యాయి. 2014లో స్టేట్విడిపోవడం, బీఆర్ఎస్ అధికారంలోకి రావడంతో 22 ప్యాకేజీ పనుల డిజైన్ మార్పుపై కొన్నాళ్లు తర్జనభర్జనలు జరిగాయి. తర్వాత యథావిధిగా కొనసాగించాలని నిర్ణయించారు. 21 ప్యాకేజీ ద్వారా నిజామాబాద్జిల్లా మంచిప్ప నుంచి ఇక్కడికి నీళ్లు వస్తాయి.
భూసేకణకు ఫండ్స్రిలీజ్ చేస్తేనే ఫలితం
22 ప్యాకేజీ పనులకు సంబంధించి మెయిన్ కెనాల్స్, సబ్కెనాల్స్, డిస్ట్రిబ్యూటర్స్తో పాటు రిజర్వాయర్నిర్మాణం కోసం 4,450 ఎకరాల భూమి అవసరం. ఇప్పటివరకు 1,255 ఎకరాలు సేకరించారు. ఇంకా 3,195 ఎకరాల భూమి సేకరించాల్సి ఉంది. సర్వే కూడా జరిగింది. ఫండ్స్లేక సేకరణ కంప్లీట్ కావట్లేదు. సేకరించిన భూమి తాలూకు ఇంకా రూ.20 కోట్ల బకాయిలు ఉన్నాయి.
రూ.1,446 కోట్ల ఫండ్స్కు గాను ఇప్పటి వరకు రూ.400 కోట్ల పనులు జరిగాయి. గత ప్రభుత్వం ఈ ప్యాకేజీని ప్రయార్టీలో తీసుకోలేదు. ఫండ్స్ రిలీజ్ చేయకపోవడంతో భూసేకరణ పూర్తికాక పనులు స్లోగా జరిగాయి. సదాశివ్నగర్మండలం భూంపల్లి వద్ద రిజర్వాయర్తో పాటు, మెయిన్ కెనాల్స్తవ్వకాలు కొంత వరకు పూర్తయ్యాయి.
సర్కార్కు రిపోర్ట్
తాజాగా కాంగ్రెస్ ప్రభుత్వం ఇరిగేషన్పనులకు సంబంధించి వివరాలు సేకరిస్తోంది. ఇందులో భాగంగా 22 ప్యాకేజీ పనులకు సంబంధించి జిల్లా ఇరిగేషన్ ఆఫీసర్లు ప్రభుత్వానికి రిపోర్ట్ ఇచ్చారు. ఈ ప్యాకేజీని ప్రతిపాదించడంలో అప్పట్లో కీలకంగా వ్యవహరించిన మాజీ మంత్రి షబ్బీర్అలీ ఇరిగేషన్ఆఫీసర్లతో మాట్లాడి వివరాలు తీసుకున్నారు. సీఎంతో పాటు, ఇరిగేషన్ మంత్రి దృష్టికి తీసుకెళ్లనున్నారు. పనులకు సంబంధించి వారం, పది రోజుల్లో ఇరిగేషన్ ఉన్నతాధికారులు రివ్యూ మీటింగ్
నిర్వహించనున్నారు.
ఉన్నతాధికారులకు వివరాలిచ్చాం
22 ప్యాకేజీ పనుల స్థితిగతులపై ఇటీవల ఉన్నతాధికారులకు వివరాలు ఇచ్చాం. ఫండ్స్ రిలీజ్ అయితే భూసేకరణ జరుగుతుంది. పనులు ముందుకు సాగుతాయి.
– శ్రీనివాస్, ఇరిగేషన్ సీఈ, కామారెడ్డి
