- ఆఫీసర్లను నియమిస్తూ రైల్వే శాఖ ఉత్తర్వులు జారీ
గోదావరిఖని, వెలుగు : రామగుండం – మణుగూరు రైల్వే లైన్భూ సేకరణ పనులు స్పీడప్ చేసేందుకు కేంద్ర రైల్వే శాఖ పలువురు ఆఫీసర్లకు బాధ్యతలు అప్పగిస్తూ శుక్రవారం ఉత్తర్వులు జారీ చేసింది. పెద్దపల్లి జిల్లాలోని రామగుండం, కమాన్పూర్, మంథని, ముత్తారం (మంథని), భూపాలపల్లి జిల్లాలోని మల్హర్రావు (తాడిచర్ల), కాపురం, ఘన్పూర్, భూపాలపల్లి మండలాల మీదుగా మేడారం నుంచి మణుగూరు వరకు 207.80 కిలోమీటర్ల మేర బ్రాడ్గేజ్ రైల్వే లైన్పనులు చేపట్టేలా రైల్వే శాఖ నివేదిక తయారు చేసింది.
అయితే రైల్వే లైన్నిర్మాణానికి భూసేకరణ చేసి రైతులకు ఎంత నష్టపరిహారం ఇవ్వాలనే వివరాలను తెలిపేందుకు రామగుండం, కమాన్పూర్, రామగిరి, మంథని, ముత్తారం మండలాలకు పెద్దపల్లి జిల్లా అడిషనల్ కలెక్టర్(రెవెన్యూ)కు, మల్హర్రావు, కాపురం మండలాలకు కాటారం సబ్కలెక్టర్కు, ఘన్పూర్, భూపాలపల్లి మండలాలకు భూపాలపల్లి ఆర్డీవోకు బాధ్యతలు అప్పగించింది. 2012లో రైల్వే లైన్ కు ప్రతిపాదనలు తయారు చేయగా, ఇందుకు సంబంధించిన భూసేకరణ పనులు నత్తనడకన నడుస్తున్న విషయం తెలిసిందే.
