హైదరాబాద్ లోని జూబ్లీహిల్స్ చెక్‌పోస్టు వద్ద అర్థరాత్రి ఓ కారు బీభత్సం సృష్టించింది. మద్యం మత్తులో ఓ బీటెక్ విద్యార్థి కారుతో వీరంగం సృష్టించాడు. సాకేత్ రెడ్డి అనే యువకుడు తన మిత్రుడితో కలిసి కారును డ్రైవింగ్ చేశాడు. జూబ్లీహిల్స్ చెక్ పోస్ట్ నుంచి కృష్ణానగర్ కు వెళ్లే మార్గంలో కారు అదుపు తప్పి ఫుట్ పాత్ పైకి ఎక్కి చెట్లతో ఢీకొంటూ అక్కడున్న టెలిఫోన్ స్ధంభంపై కెక్కి అమాంతంగా బోల్తాపడింది.
ఈ ప్రమాదంలో కారు డ్రైవ్ చేస్తున్న సాకేత్ రెడ్డితో పాటు అతని మిత్రుడికి గాయాలయ్యాయి. కారులోపల ఇరుక్కుపోయిన ఇద్దర్ని స్ధానికులు బయటకు తీశారు. విషయం తెలుసుకున్న జూబ్లీహిల్స్ పోలీసులు సంఘటన స్థలానికి చేరుకుని విచారణ చేపట్టారు. కాగా కారు డ్రైవర్ సాకేత్ రెడ్డికు పోలీసులు బ్రీత్ ఎనలైజర్ పరీక్షలు నిర్వహించగామద్యం మోతాదు 146 పాయింట్లుగా నమోదైంది. కేసు నమోదు చేసిన పోలీసులు అనంతరం ప్రమాదంలో గాయపడ్డ ఇద్దర్నీ పోలీసులు ఆసుపత్రికి తరలించారు.
