శ్రీలంకతో వన్డే సిరీస్ లో విఫలమైనా భారత ఆటగాళ్లు ర్యాంకింగ్స్ లో తమ స్థానాలను నిలబెట్టుకున్నారు. ముఖ్యంగా టీమిండియా కెప్టెన్ రోహిత్ శర్మ 3 వన్డే మ్యాచ్ ల సిరీస్ లో 157 పరుగులు చేసి టాప్ స్కోరర గా నిలిచాడు. తొలి రెండు మ్యాచ్ ల్లో రెండు మ్యాచ్ ల్లో హాఫ్ సెంచరీలు చేసిన హిట్ మ్యాన్ తన ర్యాంక్ ను మెరుగుపర్చుకున్నాడు. దీంతో నాలుగో స్థానంలో ఉండాల్సిన హిట్ మ్యాన్ మూడో స్థానానికి ఎగబాకాడు. మూడో స్థానంలో ఉండాల్సిన కోహ్లీ నాలుగో స్థానానికి పడిపోయాడు.
యువ ఓపెనర్ శుభమాన్ గిల్ రెండో ర్యాంక్ లోనే కొనసాగుతున్నాడు. పాకిస్థాన్ కెప్టెన్ బాబర్ అజామ్ అగ్ర స్థానంలో ఉన్నాడు. టాప్ 4 లో ముగ్గురు భారత ఆటగాళ్లు ఉండడం విశేషం. ఈ సంవత్సరం భారత్ కు వన్డే మ్యాచ్ లు లేవు. సెప్టెంబర్ నుంచి టెస్టులు, టీ20 మ్యాచ్ లతో బిజీ కానుంది. అంతర్జాతీయ క్రికెట్ లో కొనసాగకపోయినా వార్నర్ 7 ర్యాంక్ లో నిలిచాడు. భారత్ తో తాజాగా ముగిసిన వన్డే సిరీస్ లో అద్భుతంగా రాణించిన నిస్సంక 9 వ స్థానంలో నిలిచాడు.
బౌలింగ్ విషయానికి వస్తే భారత ఆటగాళ్లలో ముగ్గురు భారత ఆటగాళ్లు టాప్ 10 లో చోటు సంపాదించారు. కుల్దీప్ యాదవ్ నాలుగో స్థానంలో ఉన్నాడు. మహమ్మద్ సిరాజ్ 5, బుమ్రా 8 వ స్థానంలో నిలిచారు. దక్షిణాఫ్రికా స్పిన్నర్ కేశవ్ మహారాజ్ టాప్ లో ఉన్నాడు. టీం ర్యాంకింగ్స్ లో టీమిండియా అగ్ర స్థానంలోనే కొనసాగుతుంది.
