గతంలోకి ప్రయాణం!
టైటిల్ : టైం కట్
ప్లాట్ఫాం : నెట్ఫ్లిక్స్
డైరెక్షన్ : హన్నా మ్యాక్‌ఫెర్సన్
కాస్ట్ : మాడిసన్ బెయిలీ, మేగాన్ బెస్ట్, మైఖేల్ షాంక్స్, ఆంటోనియా జెంట్రీ, గ్రిఫిన్ గ్లక్
లాంగ్వేజ్: ఇంగ్లీష్
లూసీ(మాడిసన్ బెయిలీ) పుట్టకముందే వాళ్ల అక్క సమ్మర్(ఆంటోనియా జెంట్రీ)ని గుర్తు తెలియని వ్యక్తి చంపేస్తాడు. అప్పుడే ఆమెతో పాటు మరో ముగ్గుర్ని కూడా చంపేస్తారు. ఆమెని ఎవరు చంపారు? ఎందుకు చంపారనేది ఎవరూ కనిపెట్టలేకపోతారు. ఆమె తల్లిదండ్రులు సమ్మర్ని తలుచుకుంటూ బాధపడుతూ ఉంటారు. సమ్మర్ గదిని ఒక పవిత్ర స్థలంగా చూసుకుంటారు.
గదిలోని వస్తువులను చెక్కుచెదరకుండా కాపాడుకుంటారు. ప్రతి సంవత్సరం ఆమె చనిపోయిన రోజున ఆ గదిలో నివాళులు అర్పిస్తారు. అలా 21 ఏండ్లు గడిచిపోతాయి. 2024లో సమ్మర్ వర్ధంతి రోజు లూసీకి ఆమె గదిలో ఒక బెదిరింపు లెటర్ దొరుకుతుంది. సమ్మర్ చావుకు సంబంధించి దొరికిన ఏకైక క్లూ అది. ఆ క్లూతో తన అక్కని చంపింది ఎవరో తెలుసుకోవాలి అనుకుంటుంది లూసీ.
కానీ.. అదే టైంలో ఆమెకు టైం ట్రావెల్ చేసే మెషీన్ దొరుకుతుంది. దాని సాయంతో సమ్మర్ చనిపోయిన రోజుకంటే వారం రోజులు వెనక్కి వెళ్తుంది. ఆ తర్వాత ఏం జరిగింది? లూసీ తన అక్కని చనిపోకుండా కాపాడగలిగిందా? ఆమెని చంపినవాళ్లను కనిపెట్టిందా? తెలుసుకోవాలంటే సినిమా చూడాలి.
