టైటిల్ : రైడ్
ప్లాట్ ఫాం : ఆహా (తెలుగు)
డైరెక్షన్ : కార్తి
కాస్ట్ : విక్రమ్ ప్రభు, శ్రీ దివ్య, అనంతిక, వేలు ప్రభాకరన్, సౌందరరాజా
కన్నడలో శివరాజ్ కుమార్ చేసిన ‘తగరు’ సినిమాకి రీమేక్ ఇది. గతేడాది తమిళంలో తీసిన ఈ సినిమాని ఇప్పుడు తెలుగులో రిలీజ్ చేశారు. కథలోకి వెళ్తే.. ఏసీపీ ప్రభాకరన్ (విక్రమ్ ప్రభు) చాలా ధైర్యవంతుడు. ప్రమాదం అని తెలిసినా సమస్యలకు ఎదురు వెళ్తుంటాడు. అతనికి డ్యూటీ మీద ఉన్న గౌరవాన్ని చూసి ఒక సీనియర్ పోలీసాఫీసర్ తన కూతురిని అతనికి ఇచ్చి పెళ్లి చేయాలి అనుకుంటాడు. అందుకు ప్రభాకరన్ కూడా ఒప్పుకుంటాడు. అదే టైంలో ప్రభాకరన్ పోలీస్ స్టేషన్లో అమ్మాయిల మిస్సింగ్, హత్యల కేసులు వరుసగా నమోదవుతుంటాయి.
దాంతో అతను ఆ కేసుల మీద ఫోకస్ పెడతాడు. అప్పుడు అతనికి ఆ మిస్సింగ్ కేసులకు కారణం.. గ్యాంగ్స్టర్ డాలీ (రిషి రిత్విక్) అని తెలుస్తుంది. డాలీ తన ఫ్రెండ్తో కలిసి ఒక రిసార్ట్ నడుపుతుంటాడు. అక్కడ వాటర్ గేమ్స్ ఉంటాయి. అక్కడికి వచ్చిన అమ్మాయిల వీడియోలను సీక్రెట్గా తీసి బ్లాక్ మెయిల్ చేస్తుంటాడు. అందుకు అతని తమ్ముడు కూడా సపోర్ట్ చేస్తుంటాడు. ఈ విషయాలు తెలుసుకున్న ప్రభాకరన్ డాలీ తమ్ముడిని చంపేస్తాడు. ఆ తర్వాత ఏం జరిగింది? అనేదే అసలు కథ.