టైటిల్ : రీటా సన్యాల్
ప్లాట్ ఫాం : డిస్నీ ప్లస్ హాట్స్టార్, డైరెక్షన్ : అభిరూప్ ఘోష్
కాస్ట్ : అదా శర్మ, రాహుల్ దేవ్, ఫైసల్ సయ్యద్, అంకుర్ రాతీ
క్రిమినల్ లాయర్ రీటా సన్యాల్ (అదా శర్మ) కుక్క కేసును వాదిస్తున్న సీన్తో స్టోరీ మొదలవుతుంది. రాఖీ అనే కుక్క ఐదడుగుల ఫెన్సింగ్ ఎక్కి నాలుగు కుక్కపిల్లలకు తండ్రి అయ్యిందనేది ఆరోపణ. అంతేకాదు.. తల్లి అయిన కుక్క కుటుంబానికి పది లక్షల రూపాయల పరిహారం ఇవ్వాలని డిమాండ్ చేస్తుంది. రీటా ఆ కేసు గెలుస్తుంది. కోర్టు నుంచి బయటికి రాగానే కేశవ్ అనే వ్యక్తి ఆమెని కలుస్తాడు. అతని తల్లి స్థానిక ఎమ్మెల్యే పరవ్ రాణే హత్య కేసులో అరెస్టవుతుంది. రీటా ఆ కేసు గురించి ఆరా తీసినప్పుడు ఆ నేరం చేసింది తన తల్లి కాదని చెప్తాడు కేశవ్.
రీటా కేశవ్ కేసును వాదించేందుకు తీసుకున్నప్పుడు ఆమెకు మరో విషయం తెలుస్తుంది. తన ప్రత్యర్థి లాయర్ మరెవరో కాదు.. తన తండ్రి చావుకు కారణమైన రాజ్ థక్రాల్ (రాహుల్ దేవ్) అని. దాంతో ఇంకా పంతంగా ఆ కేసుని టేకప్ చేస్తుంది. రీటా ఆ కేసులో గెలిచిందా? ఓడిపోయిందా? కేసు వాదించే క్రమంలో ఎలాంటి పరిణామాలు ఎదురయ్యాయి? అనేదే స్టోరీ.
