టైటిల్ : స్నేక్స్ అండ్ ల్యాడర్స్
ప్లాట్ ఫాం : అమెజాన్ ప్రైమ్ వీడియో
డైరెక్షన్ : భరత్ మురళీధరన్, అశోక్ వీరపన్, కమలా ఆల్కెమిస్
కాస్ట్ : సమ్రిత్, సూర్య రాఘవేశ్వర్, సూర్య కుమార్, తరుణ్ యువరాజ్, సాషా భరేన్, నవీన్ చంద్ర, నందా, మనోజ్ భారతిరాజా
ఇండియాలో వైకుంఠ పాళి (స్నేక్స్ అండ్ ల్యాడర్స్) గేమ్ చాలా ఫేమస్. 1980, 90ల్లో పిల్లలు ఈ గేమ్ ఎక్కువగా ఆడేవాళ్లు. ఇందులో అదృష్టం ఉంటే నిచ్చెనలు ఎక్కుతారు. లేదంటే పాములకు బలవుతారు. ఈ కథ కూడా ఆ గేమ్కు దగ్గరగా ఉండడం వల్ల ఆ టైటిల్ పెట్టారు.
రెట్టముగాడు అనే హిల్ స్టేషన్(కల్పిత)లో 2006లో జరిగిన కథ ఇది. గిల్బర్ట్ అలియాస్ గిల్ (సమ్రిత్), ఇరైయన్ (సూర్య రాఘవేశ్వర్), శాండీ (సూర్య కుమార్), బాల (తరుణ్ యువరాజ్) మంచి ఫ్రెండ్స్. వీళ్లందరికీ వ్యక్తిగత జీవితాల్లో ఏదో ఒక సమస్య ఉంటుంది. గిలీ కొన్నేళ్లుగా తన తల్లిదండ్రులను చూడలేదు. శాండీ తండ్రి ఎప్పుడూ ఇంట్లో ఉండడు. ఒకరోజు కొందరు దొంగలు అదే ఊళ్లో ఉన్న మ్యూజియంలోని విలువైన లాకెట్ని చోరీ చేస్తారు. తర్వాత ఈ నలుగురికీ కామన్ ఫ్రెండ్ అయిన రాగి ఇంటికి వెళ్తారు. అక్కడ రాగి వాళ్ల అమ్మ మీద దాడి చేసి.. తర్వాత గిలీ ఇంట్లోకి చొరబడతారు.
బ్లేడ్ అనే దొంగ గిలీ ఇంట్లోని వంటగది అల్మరాలో దాక్కుంటాడు. అది గమనించిన గిలీ తన అమ్మమ్మను కాపాడుకోవడానికి దానికి తాళం వేస్తాడు. బ్లేడ్కి ఉబ్బసం ఉంటుంది. అల్మరాలో చిక్కుకోవడం వల్ల ఊపిరాడక అందులోనే చనిపోతాడు. దాంతో గిలీ హంతకుడు అవుతాడు. గిలీ, అతని నలుగురు ఫ్రెండ్స్ కలిసి శవాన్ని మాయం చేస్తే హత్య కేసు నుంచి తప్పించుకోవచ్చు అనుకుంటారు. అందుకోసం వాళ్లు ఎలాంటి ప్రయత్నాలు చేశారు? లాకెట్ తీసుకుని బ్లేడ్ తన స్థావరానికి తిరిగి వెళ్లకపోవడంతో ఆ గ్యాంగ్స్టర్ ఏం చేశాడు అనేదే ఈ వెబ్సిరీస్.