బాలీవుడ్ స్టార్ హీరో సల్మాన్ ఖాన్ను చంపేస్తామంటూ బెదిరింపులకు దిగి ప్రపంచానికి పరిచయమైన లారెన్స్ బిష్ణోయ్ గ్యాంగ్.. ఇటీవల మహారాష్ట్ర మాజీ మంత్రి బాబా సిద్ధిఖీని హత్య చేసే దేశంలో హాట్ టాపిక్గా మారింది. బాబా సిద్ధిఖీ మర్డర్తో లారెన్స్ బిష్ణోయ్ గ్యాంగ్ పేరు దేశ వ్యాప్తంగా మారుమోగిపోయింది. ఇదిలా ఉండగానే.. మరో పొలిటికల్ బిగ్ షాట్కు చంపేస్తామంటూ లారెన్స్ బిష్ణోయ్ గ్యాంగ్ స్ట్రాంగ్ వార్నింగ్ ఇచ్చింది.
బీహార్లో కీలక రాజకీయ నేత, పూర్నియా పార్లమెంట్ నియోజకవర్గ ఎంపీ పప్పు యాదవ్ను చంపేస్తామని బిష్ణోయ్ గ్యాంగ్ హెచ్చరించింది. ఈ విషయాన్ని స్వయంగా ఆయనే వెల్లడించారు. చంపేస్తామని లారెన్స్ బిష్ణోయ్ గ్యాంగ్ నుంచి తనకు బెదిరింపు కాల్ వచ్చిందని తెలిపారు. చాలా సార్లు ఇలాగే బిష్ణోయ్ గ్యాంగ్ నుండి తనకు థ్రెట్ కాల్స్ వచ్చాయని పప్పు పేర్కొన్నారు. అయితే, పప్పు యాదవ్ను బిష్ణోయ్ గ్యాంగ్ లేపేస్తామని బెదిరించడానికి అసలు కారణం వేరే ఉంది.
పప్పు యాదవ్ను బెదిరించడానికి కారణం ఏంటంటే..?
ఎన్సీపీ లీడర్, సల్మాన్ ఖాన్ మిత్రుడు బాబా సిద్ధికీ మర్డర్ మహారాష్ట్రను షేక్ చేసిన సంగతి తెలిసిందే. ఈ క్రమంలో బాబా సిద్ధిఖీ మర్డర్పై సోషల్ మీడియా వేదికగా పప్పు యాదవ్ రియాక్ట్ అయ్యారు. ఈ పోస్ట్లో.. చట్టం అనుమతి ఇస్తే బిష్ణోయ్ గ్యాంగ్‌ను 24 గంటల్లో ఖతం చేస్తానని పప్పు యాదవ్ వార్నింగ్ ఇచ్చారు. "జైలులో కూర్చున్న ఓ నేరస్థుడు సవాల్ విసురుతున్నాడు. మనుషులను చంపేస్తున్నాడు. అతడి ముందు అందరూ మూగ ప్రేక్షకులే. ముందుగా మూసేవాలా, తర్వాత కర్ణి సేన అధినేత.. ఇప్పుడు బాబా సిద్ధిఖీని చంపేశారు.
ALSO READ | చట్టంలో మార్పులు చేస్తున్నాం..ఫేక్ కాల్ చేస్తే ఇక అంతే: మంత్రి రామ్మోహన్ నాయుడు
చట్టం అనుమతిస్తే 24 గంటల్లో లారెన్స్ బిష్ణోయ్ గ్యాంగ్‌ను అంతం చేస్తాను’’ అని పప్పు యాదవ్ ఎక్స్లో ట్వీట్ చేశారు.దీంతో తమ గ్యాంగ్కు దమ్మీ ఇచ్చిన పప్పు యాదవ్ను బిష్ణోయ్ గ్యాంగ్ టార్గెట్ చేసింది. ఈ క్రమంలోనే చంపేస్తామని పలుమార్లు పప్పు యాదవ్కు ఫోన్ చేసి వార్నింగ్ ఇచ్చింది. బిష్ణోయ్ గ్యాంగ్ నుండి థ్రెట్ కాల్స్ ఎక్కువ కావడంతో పప్పు యాదవ్ పోలీసులను ఆశ్రయించాడు.
ఈ విషయాన్ని రాష్ట్ర, కేంద్ర ప్రభుత్వాల దృష్టికి తీసుకెళ్లి.. బిష్ణోయ్ గ్యాంగ్తో తన ప్రాణానికి ముప్పు పొంచి ఉందని.. భద్రతను పెంచాలని పప్పు యాదవ్ విజ్ఞప్తి చేశాడు. ఈ మేరకు కేంద్ర హోంశాఖకు లేఖ రాశాడు. తనకు జెడ్ కేటగిరీ భద్రత కల్పించాలని కోరుతూ.. లారెన్స్ బిష్ణోయ్ గ్యాంగ్ నుంచి వచ్చిన బెదిరింపు సందేశాలను కేంద్రానికి పంపాడు. దీనిని పరిగణలోకి తీసుకుని భద్రతను పెంచాలని రిక్వెస్ట్ చేశాడు.
