సిద్దిపేట, వెలుగు : సిద్దిపేట టూటౌన్ ఏఎస్ఐ ఉమారెడ్డి లాయర్రవీందర్ పై దాడి చేయడాన్ని నిరసిస్తూ బార్ అసోసియేషన్ ఆధ్వర్యంలో బుధవారం కోర్టు ఎదుట నిరసన తెలిపారు. ఈ సందర్భంగా బార్ అసోసియేషన్ నాయకుడు జనార్ధన్ రెడ్డి మాట్లాడుతూ.. లాయర్రవీందర్ ఓ కేసు విషయంపై టూ టౌన్ పీఎస్కు వెళ్తే ఏఎస్ఐ ఉమారెడ్డి అసభ్యంగా మాట్లాడుతూ దాడి చేయడమే కాకుండా ఫోన్ పగలగట్టాడని చెప్పారు.
ఈ విషయంపై టూటౌన్ లో ఫిర్యాదు చేయడానికి ప్రయత్నిస్తే సీఐ సరైన విధంగా స్పదించలేదన్నారు. లాయర్పై దాడి చేసిన ఎఎస్ఐ పై కేసు నమోదు చేసి కఠిన చర్యలు తీసుకోవాలని కోరుతూ వన్ టౌన్ పీఎస్లో ఫిర్యాదు చేశామని పేర్కొన్నారు. ఏఎస్ఐ చర్యలు తీసుకోకుంటే బార్ అసోసియేషన్ ఆధ్వర్యంలో భవిష్యత్ కార్యాచరణ ప్రకటిస్తామని వెల్లడించారు. ఈ నిరసన కార్యక్రమంలో బార్ అసోసియేషన్ సభ్యులు పాల్గొన్నారు.
