హైదరాబాద్, వెలుగు: లోక్‌సభ ఎన్నికల సందర్భంగా గ్రేటర్ హైదరాబాద్ పరిధిలోని పలు పోలింగ్ కేంద్రాల్లో వివిధ పార్టీల నాయకులు, అధికారులు, పలువురు ప్రముఖులు తమ ఓటు హక్కును వినియోగించుకున్నారు. జూబ్లీహిల్స్లోని ఓబుల్ రెడ్డి పబ్లిక్ స్కూల్లో మాజీ ఉప రాష్ట్రపతి వెంకయ్య నాయుడు తన భార్యతో కలిసి వచ్చి ఓటు వేశారు. అల్వాల్లో మైనంపల్లి హనుమంతరావు, అంబర్పేటలో బీఆర్ఎస్ ఎమ్మెల్యే కాలేరు వెంకటేష్ ఫ్యామిలీ మెంబర్స్తో కలిసి వచ్చి ఓటు వేశారు.
ముషీరాబాద్లోని కో ఆపరేటివ్ హౌసింగ్ సొసైటీ ఎదురుగా ఉన్న వెస్ట్ వింగ్లో రాజ్యసభ ఎంపీ లక్ష్మణ్, రాంనగర్ లోని జేవీ హైస్కూల్లో హర్యానా గవర్నర్ బండారు దత్తాత్రేయ, మలక్ పేట సలీమ్ నగర్లోని జీహెచ్ ఎంసీ కమ్యూనిటీ హాల్ లో త్రిపుర గవర్నర్ ఇంద్రసేనారెడ్డి, ధర్మసాగర్ గ్రామంలో చేవెళ్ల బీజేపీ ఎంపీ అభ్యర్థి కొండా విశ్వేశ్వర్ రెడ్డి, డీడీ కాలనీలో మురళీధర్ రావు, మలక్ పేటలోని తిరుమల హిల్స్లో ఎమ్మెల్సీ ఏవీఎన్ రెడ్డి, తార్నాకలో మాజీ ఎమెల్సీ రాంచందర్ రావు ఓటు వేశారు. షేక్ పేట తహసీల్దార్ ఆఫీసులో ఖైరతాబాద్ మాజీ ఎమ్మెల్యే, బీజేపీ రాష్ట్ర ఉపాధ్యక్షుడు చింతల రామచంద్రారెడ్డి కుటుంబసభ్యులతో కలిసి వచ్చి ఓటు హక్కును వినియోగించుకున్నారు.
మారేడుపల్లిలోని కస్తూర్బా కాలేజీలో సనత్ నగర్ ఎమ్మెల్యే తలసాని శ్రీనివాస్ యాదవ్, మోండా మార్కెట్ లోని ఇస్లామియ హైస్కూల్లో సికింద్రాబాద్ బీఆర్ఎస్ఎంపీ అభ్యర్థి టి.పద్మారావు గౌడ్, బంజారాహిల్స్ ఎన్బీ టీ నగర్ ప్రభుత్వ స్కూల్లో రాజ్యసభ ఎంపీ కె.కేశవరావు, మేయర్ గద్వాల్ విజయలక్ష్మి, రహీంపురాలోని ఎస్ఎస్కే డిగ్రీ కాలేజీలో రాజాసింగ్, కంటోన్మెంట్ బోయిన్ పల్లిలో మాజీ మంత్రి మల్లారెడ్డి తమ ఓటు వేశారు. జూబ్లీహిల్స్లోని సెంట్రల్‌ నర్సరీ స్కూల్లో డీజీపీ రవిగుప్తా, అడిషనల్ డీజీలు మహేశ్ భగవత్‌, శిఖాగోయల్‌, ఏసీబీ డీజీ సీవీ ఆనంద్‌, సిటీ పోలీస్ కమిషనర్‌ శ్రీనివాస్ రెడ్డి, రాచకొండ సీపీ తరుణ్‌ జోషి, సైబరాబాద్ సీపీ అవినాష్ మహంతి తమ కుటుంబ సభ్యులతో వచ్చి ఓటు వేశారు.
