భైంసా, వెలుగు: నిర్మల్ జిల్లా భైంసా మండలం సిరాల గ్రామ శివారులోని అటవీ ప్రాంతంలో చిరుత పిల్ల సంచరిస్తున్నట్లు అటవీ శాఖ అధికారులు గుర్తించారు. సిరాల గ్రామానికి చెందిన రైతు మహేశ్ గురువారం రాత్రి తన చేనులో మొక్క జొన్న పంటకు నీళ్లు పెట్టేందుకు వెళ్లాడు.
ఆ సమయంలో చేనులో చిరుత పులిని చూసిన మహేశ్ భయంతో గ్రామానికి తిరిగి వచ్చి గ్రామస్తులు, ఫారెస్ట్ ఆఫీసర్లకు సమాచారం అందించారు. డిప్యూటీ రేంజ్ ఆఫీసర్ శంకర్ సిబ్బందితో కలిసి ఘటనా స్థలానికి వెళ్లి చిరుత పులి పాదముద్రలు గుర్తించారు.
రెండేండ్ల చిరుత పులి పిల్లగా గుర్తించామని తెలిపారు. మహారాష్ట్ర వైపు నుంచి వచ్చి ఉంటుందని, రైతులు జాగ్రత్తగా ఉండాలని సూచించారు.
