హైదరాబాద్, వెలుగు: జీహెచ్ఎంసీ అభివృద్ధికి అధికారులు, ప్రజాప్రతినిధులు సమష్టిగా.. అంకితభావంతో పని చేద్దామని మేయర్ గద్వాల్ విజయలక్ష్మి పేర్కొన్నారు. రాష్ట్ర అవతరణ దినోత్సవాన్ని హెడ్డాఫీసులో నిర్వహించగా జాతీయ జెండాను ఆవిష్కరించారు. అనంతరం పోలీసుల గౌరవ వందనం స్వీకరించారు. మేయర్ మాట్లాడుతూ.. ప్రజల అవసరాలను దృష్టిలో ఉంచుకొని సిటీ అభివృద్ధిలో అందరూ భాగస్వాములు కావాలని సూచించారు. డిఫ్యూటీ మేయర్ మోతె శ్రీలత, కమిషనర్ రోనాల్డ్ రోస్, ఈఎన్ సీ జియావుద్దీన్, ఈవీడీఎం డైరెక్టర్ ప్రకాశ్ రెడ్డి, సీఈ దేవానంద్, అడిషనల్ కమిషనర్లు శ్రీవాత్సవ, నళిని పద్మావతి, గీత రాధిక, సునంద, యాదగిరిరావు, సత్యనారాయణ, సీసీపీ రాజేంద్ర ప్రసాద్ నాయక్ పాల్గొన్నారు.
