- మంత్రి శ్రీధర్ బాబు పిలుపు
- హైటెక్స్లో 30వ ఇండియన్ ప్లంబింగ్కాన్ఫరెన్స్
మాదాపూర్, వెలుగు : అన్ని రకాల జీవులకు అవసరమైన నీటి వనరులను రక్షించుకోవాల్సిన బాధ్యత మనపై ఉందని ఐటీ శాఖ మంత్రి శ్రీధర్బాబు అన్నారు. గురువారం మాదాపూర్లోని హైటెక్స్లో ‘వాటర్న్యూ కరెన్సీ’ అనే థీమ్తో 30వ ఇండియన్ప్లంబింగ్కాన్ఫరెన్స్ప్రారంభమైంది. మూడ్రోజుల పాటు కొనసాగనుంది. రాష్ట్ర ప్రభుత్వ సలహాదారు హర్కర వేణుగోపాలరావు ముఖ్య అతిథిగా హాజరై ప్రారంభించారు. ఐటీ శాఖ మంత్రి శ్రీధర్బాబు ఈ కాన్ఫరెన్స్ను ఉద్దేశించి వీడియో పంపించారు.
అందులో మంత్రి మాట్లాడుతూ.. సహజ వనరు అయిన నీటి ప్రాముఖ్యతను ఎవరూ గుర్తించటం లేదన్నారు. భవిష్యత్ తరాలకు పరిశుభ్రమైన, సురక్షితమైన నీటిని ప్లంబింగ్ పరిశ్రమలు అందించాలని సూచించారు. నీటి వనరులను కాపాడుకోవడంలో సమిష్టి బాధ్యత వహించాలని పిలుపునిచ్చారు. హర్కర వేణుగోపాలరావు మాట్లాడుతూ.. రాష్ట్రంలో వాయు కాలుష్యాన్ని తగ్గించేందుకు ప్రభుత్వం ఇటీవల కొత్త విధానం తీసుకొచ్చిందని వివరించారు. కొత్తగా కొనుగోలు చేసే ఎలక్ట్రిక్ వాహనాలకు పన్ను, రిజిస్ట్రేషన్ చార్జీలు విధించడం లేదని వెల్లడించారు.
పట్టణ నీటి వనరులను రక్షించి పునరుద్ధరించడం, రీచార్జ్ చేసి తిరిగి ఉపయోగించుకునేలా చర్యలు తీసుకుంటున్నామని తెలిపారు. మూసీ రివర్ ఫ్రంట్ బ్యూటిఫికేషన్ ప్రాజెక్టు పూర్తయితే హైదరాబాద్ సిటీకి పూర్వ వైభవం వస్తుందని చెప్పారు. ఈ కాన్ఫరెన్స్లో ఇండియాలోని డెన్మార్క్ రాయబారి సోరెన్ నార్కెలుండ్ కన్నిక్ మార్క్వార్డ్సెన్, ఇండియన్ ప్లంబింగ్అసోసియేషన్ జాతీయ అధ్యక్షుడు గుర్మీత్సింగ్ అరోరా తదితరులు పాల్గొన్నారు.
