హైదరాబాద్, వెలుగు: మహిళల ఎదుగుదల కోసం ఎల్ఐసీ తీసుకొచ్చిన బీమా సఖి యోజనకు దేశవ్యాప్తంగా అద్భుత ఆదరణ కనిపిస్తోంది. ప్రధాని నరేంద్ర మోదీ గత డిసెంబరులో హర్యానా పానిపట్లో యోజనను ప్రారంభించారు.
ఇప్పటి వరకు 52,511 రిజిస్ట్రేషన్లు కాగా, 27,695 అపాయింట్మెంట్ లెటర్లు జారీ అయ్యాయి. హైదరాబాద్ జోనల్ మేనేజర్పునీత్ కుమార్ మాట్లాడుతూ సౌత్ సెంట్రల్ జోన్లో 12,201 అప్లికేషన్లు వచ్చాయని, 6,284 మందికి అపాయింట్మెంట్లెటర్లు ఇచ్చామని చెప్పారు.
ఇప్పటికే మూడు వేల మంది స్టైపైండ్తోపాటు పాలసీల అమ్మకాలపై కమీషన్ పొందుతున్నారని ప్రకటించారు. పదో తరగతి పాసై 18–70 మధ్య వయసున్న మహిళలందరూ బీమా సఖిగా చేరవచ్చని చెప్పారు. వీరికి మూడేళ్లపాటు నెలకు రూ.ఏడు వేల చొప్పున స్టైపెండ్ఇస్తామన్నారు.
