- కొడంగల్కు ప్రత్యేక హెలికాప్టర్
కొడంగల్, వెలుగు: కేంద్ర, రాష్ర్ట ప్రభుత్వాలు ప్రతిష్టాత్మకంగా చేపట్టిన రీజినల్ రింగ్ రోడ్డు(ఆర్ఆర్ఆర్) పనులు వేగంగా సాగుతున్నాయి. దీనికి సమాంతరంగా నిర్మించే రీజినల్ రింగ్ రైల్ ప్రాజెక్ట్ కోసం లైడార్ సర్వే ప్రారంభమైంది. లైడార్ సర్వే కోసం స్పెషల్ హెలికాప్టర్ మంగళవారం కొడంగల్ చేరింది. మూడు రోజులు సర్వే నిర్వహించనున్నట్లు ఆర్వీ అసోసియేట్స్ ఏజెన్సీ ప్రతినిధులు తెలిపారు. సుమారు 564 కిలోమీటర్ల పరిధిలో రీజినల్ రింగ్ రైల్ ప్రాజెక్ట్ నిర్మాణం కానుంది. వికారాబాద్, సంగారెడ్డి, మెదక్, సిద్దిపేట్, గజ్వేల్, భువనగిరి, యాదాద్రి, చిట్యాల, నారాయణపూర్, షాద్నగర్, షాబాద్ను కలుపుతూ ఈ ప్రాజెక్ట్ వెళ్తుందని సమాచారం.
