భద్రాచలం, వెలుగు: ఛత్తీస్గఢ్ రాష్ట్రంలోని చింతగుప్ప పోలీస్స్టేషన్ పరిధిలోని తాడిమెట్లకు చెందిన ఆదివాసీలను 8 రోజుల కింద కిడ్నాప్ చేసిన మావోయిస్టులు గురువారం సాయంత్రం వారిని విడుదల చేశారు. బుధవారం రాత్రి ప్రజాకోర్టు నిర్వహించి పోలీస్ ఇన్ఫార్మర్లుగా వ్యవహరిస్తున్నారని తాము కిడ్నాప్ చేసిన వారిలో ఉప సర్పంచ్ మాడవి గంగ, టీచర్ కొవ్వాసి సుక్కును హతమార్చారు. మిగిలిన 13 మందిని వదిలిపెట్టారు.
తాడిమెట్ల గ్రామానికి చెందిన 15 మందిని మావోయిస్టులు కిడ్నాప్ చేసి తమ వెంట తీసుకెళ్లారు. అయితే ఉపసర్పంచ్ మాడవి గంగను రెండేండ్ల కింద కూడా ఒకసారి కిడ్నాప్ చేసి వదిలేశారు. దీంతో ఈసారి కూడా ఏమీ చేయకుండానే వదిలేస్తారని భావించారు. కానీ ఆయనతో పాటు టీచర్ను కూడా హత్య చేశారు. ఉపసర్పంచ్గా గంగ గ్రామస్తులకు ఆధార్కార్డులు, రేషన్ కార్డులు, ఇతర ప్రభుత్వ పథకాలు ప్రభుత్వం నుంచి ఇప్పించారు.
గ్రామంలోని పిల్లలకు సుక్కు విద్యాబుద్ధులు నేర్పుతున్నారు. వారి వల్ల ఉద్యమానికి ఇబ్బంది ఏర్పడిందని భావించిన మావోయిస్టులు ఇన్ఫార్మర్ల పేరుతో హత్య చేశారని సుక్మా పోలీసులు విడుదల చేసిన ప్రకటనలో పేర్కొన్నారు. గంగ, సుక్కు డెడ్బాడీలకు పోస్టుమార్టం చేసి అప్పగించినట్లు అందులో తెలిపారు.
