హైదరాబాద్: రాష్ట్ర రాజధాని హైదరాబాద్‍లో మత్తు పదార్థాలపై పోలీసులు ఉక్కుపాదం మోపుతున్నారు. రాష్ట్రాన్ని డ్రగ్ ఫ్రీ స్టేట్గా మార్చాలన్న ప్రభుత్వ ఆదేశాలతో పోలీసులు ఎక్కడికక్కడ తనిఖీలు, మెరుపు దాడులు నిర్వహిస్తూ డ్రగ్స్ కట్టడికి తీవ్రంగా కృషి చేస్తున్నారు. ఈ క్రమంలోనే శుక్రవారం అర్ధరాత్రి హైదరాబాద్లోని పలు పబ్బుల్లో యాంటి నార్కోటిక్ బ్యూరో పోలీసులు, ఎక్సైజ్ అధికారులు సంయుక్తంగా దాడులు చేశారు. మొత్తం ఐదు పబ్బుల్లో నిర్వహించిన తనిఖీల్లో 33 మందికి డ్రగ్ డిటెక్షన్ కిట్స్తో డ్రగ్ నిర్ధారణ పరీక్షలు నిర్వహించారు.
ఇందులో నలుగురు డ్రగ్స్ తీసుకున్నట్లుగా తేలిందని పోలీసులు తెలిపారు. శేర్లింగంపల్లి నాలెడ్జ్ సిటీలోని క్వోరమ్ క్లబ్లో ఏడుగురికి డ్రగ్ నిర్ధారణ పరీక్షలు నిర్వహించగా ఇద్దరికీ పాజిటివ్ రాగా.. జూబ్లీహిల్స్లోని బేబీ లోన్లో 12 మందికి డ్రగ్ టెస్టులు చేయగా ఇద్దరు డ్రగ్స్ తీసుకున్నట్లు తేలిందని పోలీసులు తెలిపారు. పాజిటివ్ వచ్చిన వారిలో వరంగల్కు చెందిన చిన్న నిగేష్, శ్రీకాకుళానికి చెందిన రవికుమార్, మూసాపేటకు చెందిన టీవీఎస్ కేశవరావు, చార్మినార్కు చెందిన అబ్దుల్ రహీమ్లు ఉన్నట్లు అధికారులు వెల్లడించారు. నిందితులను అదుపులోకి తీసుకున్నట్లు తెలిపారు.
